४ कार्तिक, काठमाडौं । काठमाडौंमा जारी वुमेन च्याम्पियन्स लिग डब्ल्यूसीएल क्रिकेट प्रतियोगितामा ललितपुर फाल्कोन्सले पोखरा पल्टनलाई १ सय २३ रनको लक्ष्य दिएको छ ।
सबै खेलमा पराजित भएका दुई टिमले सोमबारको जितसँगै प्रतियोगिता टुंग्याउने लक्ष्यमा छन् । त्रिवि क्रिकेट मैदान कीर्तिपुरमा सोमबार टस जितेर पहिला ब्याटिङ गरेको ललितपुरले निर्धा्रित ओभरमा ७ विकेट गुमाएर १ सय २२ रन बनाएको थियो ।
ललितपुरका लागि ममता चौधरीले सर्वा्धिक ५२ रनमा नट आउट रहिन् । कवित जोशीले ३१ रन बनाउँदा सम्झना खड्काले १० रनको योगदान गरिन् । अरु खेलाडीले दोहोरो अंकमा रन बनाउन सकेनन् ।
पोखराका लागि सिता रानामगरले २ विकेट लिँदा नविना खड्का, अञ्जली चन्द र राजमति ऐरीले एक एक विकेट हात पारे ।
