९ पौष, गुल्मी । गुल्मीको मालिका गाउँपालिका ७ को वडा कार्यालयमा मंगलबार राति तोडफोड भएको छ ।
अज्ञात समूहले गएराति वडाध्यक्षको कार्यकक्षसहित अन्य कोठाहरूमा समेत तोडफोड गरेको वडाध्यक्ष वेदप्रसाद पन्थीले बताए ।
वडाध्यक्ष पन्थीले कार्यालय तोडफोड भएको जानकारी पाएपछि आफू कार्यालय जाँदै गरेको र पुगेर हेरेपछि मात्र घटनाको बारेमा विस्तृत थाहा हुने जानकारी दिए ।
घटनाको जानकारी पाएपछि मर्भुङ्ग प्रहरी चौकी सिमलटारीबाट प्रहरीको टोली घटनास्थलमा पुगिसकेको छ । अज्ञात समूहले कार्यालयमा रहेको केही रकमसमेत लुटेको बताइएको छ ।
