१ माघ, सिमकोट।
सिमकोट गाउँपालिकाले सिमकोट बजार क्षेत्रमा सिसिटिभि क्यामेरा जडान गर्न सुरु गरेको छ ।
चोरी तथा अन्य अबान्छित घटना बजार क्षेत्रमा बढ्न थालेको बेला गाउँपालिकाले सिसि क्यामेरा जडानको योजना बनाएको हो ।
सिमकोट बजारलाई सुरक्षित राख्न र अबान्छित घटनाहरुको रोकथाम गर्न चालु आर्थिक वर्षको कार्यक्रम अनुसार सिसिटिभि क्यामरा जडान गर्ने थालेको प्रमुख प्रशासकीय अधिकृत अर्जुन दर्जीले बताए ।
सिमकोट बजारका सात वटा मुख्य मुख्य चोकहरु तीन धारा, एयरपोर्ट, लोकतन्त्र चोकमा क्यामरा जडान गर्ने कार्य सम्पन्न भएको छ । यस्तै काली, काठचेली र एकता चोकमा पनि क्यामेरा जडान गरिने छ ।
