४ माघ, जनकपुरधाम ।
प्रदेश २ मा बलिदानी दिवसको अवसर आइतबार सार्वजनिक विदा हुने भएको छ । प्रदेश सरकारले माघ ५ गते आइतबार सार्वजनिक विदा दिएको हो ।
२०६३ साल माघ ५ गते सिरहाको लहानमा रमेश महतोको ज्यान गएपछि शुरु भएको मधेश आन्दोलनको स्मृतिमा पछिल्लो दुई साल यता प्रदेश सरकारले बलिदानी दिवस मनाउँदै आएको छ ।
प्रदेश सरकारले बार्षिक क्यालेण्डरमै माघ ५ गते बलिदानी दिवसका दिन विदा दिने उल्लेख गरेको छ । दिवसको अवसरमा प्रदेश सरकारले बीरगञ्जमा कार्यक्रमको आयोजना गरेको छ ।
