आजका प्रमुख खबरहरुः
१.(प्रतिक्षा शनिबारको)
चीनको वुहानमा रहेका नेपाली विद्यार्थीलाई उद्दार गर्न आगामी शनिबार दिउँसो पौने तीन बजे नेपाल एयरलाइन्सको वाइडबडी विमान चीनको वुहान जाने /नेपालीलाई लिएर विमान आइतबार दिउँसो २.१५ बजे फर्कने ।
२.(देख्न सकेनन् पानीजहाज)
जल यातायातका लागि पछिल्लो समय चर्चित बन्दै गएको सप्तकोशी नदीमा संचालित पानीजहाजहरु सुरक्षाको कारण देखाउदै बन्द /स्थानीयका कारण संचालनमा समस्या भएपछि सेवा रोकिएको व्यवसायीहरुको भनाई ।
३.(प्रवासको दुःख)
कुवेतमा बालुवाको ढिस्कोले पुरिएर चार जना नेपाली कामदारको मृत्यु/तीन जना घाइते / ढिस्कोमा पुरिएकामध्ये ६ जनाको सकुशल उद्धार ÷दोषीलाई कारबाहीको दायरामा ल्याउन कुबेती अधिकारीको निर्देशन ।
४.(प्रसाईको चर्तुयाईं)
बी एन्ड सी मेडिकल कलेज झापाका सञ्चालक दुर्गा प्रसाईं बयान पछि साधारण तारेखमा रिहा / बिएण्डसी मेडिकल कलेजको सम्बन्धन प्रक्रिया अघि बढाउन माग गर्दै सञ्चालक दुर्गा प्रसाईंले दिए आयोगमा निवेदन ।
५.(आफ्नै गुणगान)
सही विचार र सही नेतृत्व भएकै कारण असम्भव भनिएका कुराहरु सम्भव हुँदै गएको नेकपाका कार्यकारी अध्यक्ष पुष्पकमल दाहालको भनाई / तत्कालिन माओवादीले सुरु गरेको जनयुद्धकै कारण देशमा गणतन्त्र स्थापित हुन सकेको दावी ।
६.(सञ्चारमन्त्रीको प्रस्टीकरण)
प्रक्रिया पुर्याएर आउन सिजी कम्युनिकेशन सञ्चालक चौधरी ग्रुपलाई सञ्चारमन्त्री गोकुलप्रसाद बाँस्कोटाको आग्रह /सिजी कम्युनिकेसनले प्रक्रिया नर्पुयाएकोले लाइसेन्स खारेज गरेको उल्लेख/ सिजीसँग पैसा मागेको भन्ने आरोप झूटो भएको दाबी ।
७.(स्वाथ्य परिषदमा फेरबदल)
नेपाल स्वास्थ अनुसन्धान परिषदको सदस्य सचिव पदमा डा. प्रदिप ज्ञवालीलाई ४ वर्ष पदावधि कायम हुने गरी नियुक्त /डा. अन्जनीकुमार झाको कार्यकारी अधिकार फिर्ता गर्ने मन्त्रिपरिषद्को निर्णय ।
८.(जुगलको प्रकोप)
सिन्धुपाल्चोकको जुगल गाउँपालिकामा फैलिएको ज्वरो र रुघाखोकी प्रकोपको नमुना संकलन/सबै बिरामी सामान्य अवस्थामा आए पनि दुई दिनसम्म उपचार जारी राख्नुपर्ने चिकित्सक टोलीको भनाई ।
९.(विधेयकका अपुग)
संसदमा प्रस्तुत खानेपानी तथा सरसफाई विधेयक नागरिकको हक भन्दा पनि पानी वितरण गर्ने संस्थाहरुको विषयमा केन्द्रीत भएको विज्ञहरुको भनाई /विधेयकले खानेपानीको हकलाई फोकस गर्नुपर्नेमा लाइसेन्स दिने नदिनेमा फोकस भएको उल्लेख ।
१०.(सेनाको अविश्वास !)
नेपाली सेनाभित्र हुने भ्रष्टाचारको राज्य व्यवस्था तथा सुशासन समितिले छानबिन गर्न पाउनुपर्ने अमेशमुकार सिंहको माग / सेनाभित्रको भ्रष्टाचारले लोकतन्त्र नै खतरामा परेको उल्लेख ।
११.(रेडियोको भूमिका)
आफ्ना हक अधिकारका विषयमा जनतालाई सुशुचित गर्न सामुदायिक रेडियोहरुले महत्वपूर्ण भूमिका खेलेको पूर्व प्रधानमन्त्री झलनाथ खनालको भनाई /राष्ट्रियताको सवालमा देशभक्तिको भावना विकास गर्न पनि रेडियाकोे भूमिका महत्वपूर्ण हुने उल्लेख ।
१२.(आक्रमक बन्यो प्रहरी)
नेत्रविक्रम चन्द विप्लव समूह नेतृत्वको अनेरास्ववियु क्रान्तिकारीका अध्यक्ष चिरञ्जिवी ढकाल काठमाडौंबाट पक्राउ /अन्य चार जना पनि प्रहरी नियन्त्रणमा /पक्राउ परेकाहरु माथि थप अनुसन्धान जारी ।
१३.(हिम्मत गरेनन् विद्यार्थीले)
पटक–पटक स्थगन हुँदै आएको त्रिभुवन विश्वविद्यालयमा स्ववियु निर्वाचन यसपटक पनि अन्योलमा /विद्यार्थी सङ्गठनबीच निर्वाचन बारे सहमति हुन नसक्दा फागुन १४ गतेका लागि तोकेको निर्वाचन सर्ने संभावना ।
१४.(ए डिभिजनका हार जित)
सहिद स्मारक ए डिभिजन लिगमा आजको पहिलो खेलमा पुलिसद्वारा फेन्ड्सविरुद्ध ३–० को जित दर्ता / एपिएफ र ब्रिगेड ब्वाइज १–१ को बराबरीमा रोकिए /सरस्वतीमाथि संकटा ६‐२ ले विजयी ।
र,
१५.(कोभिड–१९ ले सोत्तर)
चीनको हुबेइ प्रान्तमा बुधबार मात्रै कोरोनाभाइरस भनिने कोभिड १९ को संक्रमण भएका २ सय ४२ जनाको मृत्यु / उक्त भाइरसबाट मृत्यु हुनेको संख्या १३ सय नाघ्यो/ ६० हजार संक्रमित ।
