विराटनगर, चैत ६
बार्सिलोनाका स्टार लियोनल मेस्सीले रसियामा हुने विश्कप जित्न नसके राष्ट्रिय टिमबाट अलग हुने उद्घोष गरेका छन् । उनले ला कोनिसासँगको एक अन्तर्वार्तामा बोल्दै रसिया विश्वकप जिताउन नसके राष्ट्रिय टिमबाट अलग हुनु उचित हुने बताएका हुनन् ।
रसियामा हुने विश्वकपमा समूह डी मा अर्जे्न्टिनाले आइल्यान्ड, क्रोएसिया र नाइजेरियासँग भिड्नेछ । क्लबबाट मेस्सीले धेरैजसो अन्तर्रा्ष्ट्रिय उपाधि जिते पनि राष्ट्रिय टिमका लागि भने अहिलेसम्म कुनै पनि महत्वपूर्ण उपाधि जिताउन सकेका छैनन् ।
सन् २०१४ को विश्वकपको फाइनलमा पुगेको अर्जे्न्टिना फाइनल खेलमा जर्मनीसँग १–० ले पराजित भएको थियो । २०१६ मा कोपा अमेरिकाको फाइनलमा चिलिसँग पराजित भएपछि मेस्सीले अप्रत्याशित रुपमा सन्यासको घोषणा गरेका थिए ।
तर दुई महिनापछि उनले आफ्नो घोषणालाई फिर्ता लिँदै विश्वकप छनोटका लागि टोलीमा समावेश भएका थिए । अर्जे्न्टिना दक्षिण अमेरीकी फुटबल प्रतियोगिता कोपा अमेरिकामा ३ पटक फाइनलमा पुगेर पराजित भइसकेको छ ।
जसका कारण पनि मेस्सीलाई उपाधिको भोक लागेको हो । मेस्सीले राष्ट्रिय टिमको जर्सिबाट एक सय २३ क्याप जितेका छन् । जसमा उनले ६१ गोल गरिसकेका छन ।
