आजका प्रमुख खबरहरुः
१.(प्रजातन्त्र दिवसको सन्देश)
आज ७० औं प्रजातन्त्र दिवस देशभर विभिन्न कार्यक्रम गरी मनाइयो /दिवसका अवसरमा टुँडिखेलमा आयोजित कार्यक्रमलाई सम्बोधन गर्दै देश बदल्ने अठोटका साथ बढि रहँदा नकारात्मक प्रवृतिको सामना गरिरहनु परेको प्रधानमन्त्री केपी शर्मा ओलीको भनाई ।
२.(दिवसको बहाना)
काठमाडौंको बबरमहलमा ८ वर्षअघि भएको बम विस्फोटका दोषी मकवानपुरका संयुक्त जातीय मोर्चाका नेता बुद्धिबहादुर गोले रिहा /प्रजातन्त्र दिवसको अवसरमा राष्ट्रपति विद्या भण्डारीद्वारा गोलेसहित ३ सय २९ जना कैदीको कैद सजाय मिनाहा ।
३.(सुःखद समाचार)
चीनको वुहानबाट उद्धार गरी नेपाल ल्याइएका १ सय ७५ जना सुरक्षित रहेको स्वास्थ्य मन्त्रालयको भनाई /वुहानबाट फर्किएका सबैको नाक र घाँटीभित्रको नमुनाहरु परीक्षण गरिएकोमा सबैमा कोरोनाभाइरस (कोभिड—१९) नभएको पुष्टि ।
४.(पर्यटकलाई बुझाउ)
नेपाल कोरोना भाइरस मुक्त रहेको सन्देश विश्वलाई दिनुपर्ने पर्यटनमन्त्री योगश भट्टराईको भनाई /छिमेकी मुलुक ठूलो प्रकोपको सामना गरिरहेको अवस्थामा जिस्क्याउने, अनर्गल प्रचार गर्ने र कमजोर बनाउन दाउपेच गर्ने बेला नभएको उल्लेख ।
५.(अभियन्ताको चिन्ता)
अतिरिक्त शुल्क लिने मेडिकल कलेजको सम्बन्धन खारेजी गर्न चिकित्सा शिक्षाका अभियन्ता डा. गोविन्द केसीको माग /भ्रष्ट र आपराधिक राजनीतिक नेतृत्वका कारण विद्यार्थीलाई ठग्ने र मेडिकल माफियालाई पोस्ने काम भइरहेको आरोप ।
६.(दाहाल वाणी)
बाँके र बर्दियालाई कर्णाली प्रदेशमा तत्कालै गाभ्ननहुने नेपाल कम्युनिस्ट पार्टी (नेकपा)का अध्यक्ष पुष्पकमल दाहालको भनाई /प्रदेशको भू–बनोट सधैं एकै रहने ‘ग्यारेन्टी’ नभएको र जनताको चाहनाअनुसार परिवर्तन हुनसक्ने तर्क ।
७.(ज्ञावलीको ज्ञान)
अमेरिकी सहयोग नियोग मिलेनियम च्यालेञ्ज कर्पोरेशनका (एमसीसी) का विषयमा अध्ययन कार्यदलले सुझाव मात्रै पेश गर्ने परराष्ट्रमन्त्री प्रदीप ज्ञवालीको प्रष्टोक्ति / भारतसँगको सीमाविवाद समाधानगर्न वार्ताको वातावारण बनिरहेको उल्लेख ।
८.(मृत्युपछिको क्षतिपूर्ति)
सुर्खेतको भेरी गंगा नगरपालिका–१२ छिन्चुमा गाडीले ठक्कर दिँदा एकजनाको मृत्यु भएपछि आफन्तद्वारा क्षतिपूर्तिको माग गर्दै सडक अवरुद्ध /ठक्कर दिने गाडीका चालक र साहु भने फरार रहेकाले खोजी भइरहेको प्रहरीको भनाई ।
९.(तलकै सर्वैसर्वा)
बजेट खर्च बढी देखाउन अर्थमन्त्रालयले रकमान्तर गर्ने गरेको राष्ट्रिय योजना आयोगको भनाई / योजना बनाउने काममा पनि मन्त्री र सचिवलाई थाहै नदिई तल्लो तहबाट नै योजना छनौट गरी आयोगमा पठाउने गरेको खुलासा ।
१०.(कूटनीतिक मर्यादा खोई ?)
कान्तिपुर पब्लिकेसन्सको ‘द काठमान्डु पोष्ट’ पत्रिकामा प्रकाशित एउटा लेखबारे काठमाडौंस्थित चिनियाँ दूतावासले जारी गरेको विज्ञप्तिको सम्पादकहरूद्वारा भत्सर्ना /कूटनीतिक निकायबाट पत्रकारलाई धम्की दिने काम निन्दनीय भएको पत्रकार महासंघको ठहर ।
११.(शिवरात्रीको तयारी)
महाशिवरात्रीको दिन पशुपति क्षेत्रमा नेपाल स्काउटसहित पाँचहजार स्वयंसेवक परिचालन गरिने / पशुपति क्षेत्रमा महाशिवरात्रीको दिन गाँजा,भाङ, जाँड रक्सी जस्ता नशालु पदार्थ सेवनमा प्रतिबन्ध /पशुपति क्षेत्रभित्र प्लाष्टिकको प्रयोगमा समेत रोक ।
१२.(राससको जन्मदिन)
राष्ट्रिय समाचार समितिलाई प्रतिस्पर्धी बनाउन संरचनात्मक सुधारको आवश्यकतामा सञ्चार मन्त्रालयका सचिवदीपक सुवेदीको जोड /राससभित्र देखिएका समस्याहरु समाधानकालागि आफुले प्रयास गर्ने उल्लेख ।
१३.(छुन नसकिने सुन)
चीनमा फैलिरहेको कोरोना भाइरसको असरकाकारण सुनको भाउमा फेरी नयाँ कीर्तिमान कायम / बुधबार छापावाता सुनतोलाको ७७ हजार एक सय र चाँदी प्रतितोला ९ सय ५माकारोवार/सुनको भाउअझै बढ्न सक्ने ।
१४. (बी डिभिजनको भिड्न्त)
सहिद स्मारक बी डिभिजन लिगको उद्घाटन खेलमा ब्वाइज युनियन क्लब र श्रीकुमारी क्लबबीच प्रतिष्पर्धा हुने /आगामी शुक्रबारबाट सुरु हुने प्रतियोगीतामा १२ टोलीको सहभागि हुने ।
र,
१५.(पत्रकारको निश्पक्षतामा प्रश्न)
समुदायमा घृणा र आक्रोश पैदा गरेको आरोपमा द वालस्ट्रिट जर्नलका दुई अमेरिकी र एक अष्ट्रेलियन पत्रकारको परिचयपत्र चीनद्वारा रद्द/तीनै जनालाई देश छाड्न आदेश ।
