२९ फागुन, एजेन्सी । भारतले कोरोना भाइरसको संक्रमणलाई नियन्त्रण गर्न कुनै पनि देशका नागरिकलाई पर्यटक भिसा नदिने भएको छ ।
बुधबार विश्व स्वास्थ्य संगठनले कोरोना भाइरसलाई महामारी घोषणा गरेसँगै भारतले विश्वसँगको सम्पर्कबाट आफूलाई अलग राख्ने निर्णय गरेको हो ।
अब अप्रिल १५ सम्म कुनै पनि देशका नागरिक पर्यटक भिसामा भारत आउन पाउने छैनन् । तर कूटनीतिज्ञ, संयुक्त राष्ट्र तथा अन्तर्रा्ष्ट्रिय संगठन, रोजगार र परियोजनामा काम गर्ने विदेशीहरूका भिसा भने कायम रहनेछन् ।
भारतले आफ्ना देशका नागरिकलाई पनि अनावश्यक विदेश भ्रमण नगर्न आग्रह गरेको हो । साथै फ्रेब्रअरी १४ पछि केही राष्ट्रबाट भारत आउनेहरूलाई भने १४ दिन सम्म क्वारन्टिनमा राख्ने निर्णय गरेको हो ।
भारतकै नागरिक भए तापनि यदि उनीहरू चीन, इटाली, इरान, दक्षिण कोरिया, फ्रान्स, स्पेन र जर्मनीबाट आएका थिए भने उनिहरू १४ दिन सम्म क्वारन्टिनमा बस्न पर्ने भएको छ ।
