४ वैशाख, एजेन्सी ।
कोरोना भाइरसको संक्रमण फैलाएको आरोपमा भारतीय प्रहरीले तबलिगी जमातका प्रमुख मौलाना साद खण्डल्भीलाई पक्राउ गरेको छ।
उनीसहित पक्राउ परेका ७ जनालाई प्रहरीले इन्डियन पेन कोर्ट (आइपीसी) ३०४ अन्तर्गत हत्याको अभियोग समेत लगाएको छ। दिल्लीमा हजारौंको संख्यामा मानिसहरु भेला गेरेर गरिएको धार्मिक सभाबाट भाइरस फैलिएको र कयौंको ज्यान गएको निष्कर्ष प्रहरीले निकालेको टाइसम्स अफ इन्डियाले जनाएको छ।
उनीहरुमाथि यसपटक गैर जमानती मुद्दा दायर गरिएको बताइएको छ। उनीहरुमाथि लगाइएको आरोप ठहर भएमा १० वर्षसम्मको जेल सजाय हुनसक्छ। दिल्लीमा संचालन गरिएको तबलिगी जमातका अन्य १६ जना आयोजकलाई समेत प्रहरीले नोटिस पठाएको छ।
१६ जनामा ११ जना हाल क्वारेन्टाइनमा रहेका छन्। उनीहरुलाई जमातमा आएका मानिसहरुको नाम र ठेगाना मागिएको छ। लकडाउन घोषणा गरेपछि पनि जमातका काम नरोकको विषयमा प्रश्न सोधिएको छ।
तबलिगी जमातमा सहभागी भएर कयौं मानिस विभिन्न राज्य पुगेका थिए। त्यहीबाट धेरैजनामा भाइरसको संक्रमण भएको प्रहरीको अनुमान छ। यस्तै उक्त सभामा नेपाल सहित करिब १० देशबाट १८ सय भन्दा बढी विदेशी नागरिक सहभागी भएको प्रहरीले जनाएको छ।
जमातमा पुगेका मानिसहरुको प्रहरीले खोजी गरिरहेको छ।
