७ बैशाख, विराटनगर ।
एकैपटक १२ जनामा उदयपुरमा कोरोनाको संक्रमण देखिएपछि मोरङ प्रहरी अहिले ती ब्यक्तिको सम्पर्कमा आएका ब्यक्तिको खोजीमा जुटेको छ। उदयपुरमा भेटिएका कोरोना संक्रमितको सम्पर्कमा आएको व्यक्तिहरुको प्रहरीले खोजी सुरु गरेको हो ।
उदयपुरबाट उद्धार गरिएका १६ जना भारतीय नागरिककोे सम्पर्कमा आएका ब्यक्तिहरुलाई पनि संक्रमण भएको हुनसक्ने आशंकामा प्रहरीले खोजी थालेको हो । उनीहरु मंसिर २६ गते नेपाल आएको बुझिएको प्रहरीले मोरङ प्रहरीले जनाएको छ ।
उदयपुरको भुल्केमा रहेको नुरी मस्जिदबाट १६ जना उद्दार गरिएकोमा कोरोना भाईरस(कोभिड–१९) संक्रमित १२ जनालाई उद्दार गरी उपचारको लागि कोरोना बिशेष कोशी अस्पताल विराटनगरको आईसोलेसनमा र अन्य ४ जनालाई क्वारान्टाइन टाँडीमा निगरानीमा रहेका छन् ।
उनीहरूको सम्पर्क तथा सम्बन्धमा आएका ब्यक्तिहरूको समेतमा कोभिड–१९को स्वास्थ्य परीक्षणको लागि जिल्ला प्रहरी कार्यालय मोरङको सम्पर्क नम्बर ९८४२४९३५०६ मा सम्पर्क गर्नु अनुरोध गरिएको छ ।
