१७ वैशाख, काठमाडौं ।
कोरोनाभाइरस (कोभिड–१९) रोकथामतथा नियन्त्रणका लागिलागू गरिएको लकडाउनको आज ३७ औं दिन ।
कोरोनाभाइरस महामारी रोकथामकालागि सरकारले चैत ११ गते देखि देशमा लकडाउन लागू गरेको छ । सरकारले पछिल्लो पटक १० दिन समयथप गरी वैशाख २५ गते सम्म लकडाउन लम्ब्याएपछि काठमाडौं उपत्यकामा लकडाउन उल्लङ्घन गर्नेहरु बढेका छन् । सडक पेटीमा मानिसहरुको आवागमन फाट्टफुट देखिन्छ ।
सडकमा गुडने सवारी साधनहरु पनि केही बढेका छन् । तर प्रहरीले चोकचोकमा बसेर सवारीसाधनको चेकजाँचलाई कडाई पारेको छ । उपत्यकामा मंगलबार मात्रै प्रहरीले १५ सय भन्दा बढी सवारीसाधनलाई कारबाही गरेको थियो ।
बुधबार पनि सडकमा सवारी साधनहरु बढी देखिएपछि प्रहरीले कडाई गर्दै परिचयपत्र हेरेर कारबाहीगर्ने गरेको छ । अत्यावश्यक सेवाका सवारीसाधनहरु सञ्चालनमाकुनै रोक लगाएको छैन भने खाद्य वस्तु ढुवानीका साधनहरु पनि सञ्चालनमा रहेका छन् ।
सहरकाभित्रि सडकमा पनिआफ्नो घर नजिकको पसलसम्मपुगेर किनमेल गर्नेहरु देखिन्छन् । भित्रि सडकमा केहीपसलहरु सञ्चालनमाआएका छन् । यता विराटनगर लगायत पूर्वका विभिन्न शहरमा पनि दिउसोको समयमा सडकमा सवारी र मानवीय आवागमन बढेको देखिएको छ।
