१० जेष्ठ, सुनसरी ।
सुनसरीको गढी गाउँपालिका–६ मा भएको ट्याक्टर दुर्घटनामा चालकको मृत्यु भएको छ ।
शुक्रवार दिउँसो सत्तेरझोडास्थित कच्ची बाटोमा उत्तरबाट दक्षिणतर्फ ईट्टा बोकेर जाँदै गरेको को १ त ९६८९ नम्बरको ट्रयाक्टर आफै अनियन्त्रीत भई दुर्घटना हुँदा चालकको घटनास्थलमै ज्यान गएको हो । उनी दुहवी नगरपालिका–११ का २४ बर्षीय फुलचन ऋषिदेव रहेको ईलाका प्रहरी कार्यालय दुहवीले जनाएको छ ।
दुर्घटनामा परी ट्रयाक्टरका सह–चालक २३ बर्षीय संजय पासवान घाईते भएका छन् । उनलाई उपचारका लागि जिल्ला अस्पताल ईनरुवा पठाईएको प्रहरीले जनाएको छ ।
