७ असार, सुनसरी ।
सुनसरीको कोशी गाउँपालिका ७ हरिपुर स्थित भित्रीसडक खण्डबाट दुई भारतीय नागरिक लागुऔषध सहित पक्राउ परेका छन् । पक्राउ पर्नेमा भारत सुपौल ग्रामपंचायत १ का २० बर्षीय लक्ष्मणकुमार पासवान र सोहि स्थानका १९ बर्षीय अर्जुनकुमार पासवान रहेको प्रहरीले जनाएको छ ।
जिल्ला प्रहरी कार्यालय सुनसरीबाट गस्तीमा खटिएको प्रहरी टोलीले उनीहरुलाई नियन्त्रणमा लिएको हो । नियन्त्रणमा लिई उनीहरुको शरिर खान तलासी गर्दा कालो प्लाष्टिक भित्र लुकाई छिपाई राखेको अवस्थामा ८ ग्राम ५८० मिलिग्राम लागुऔषध ब्राउन सुगर, भारतीय रुपैँया १२५० र भारतका विभिन्न बैंकका एटिएम कार्ड समेत फेलापारी बरामद् गरिएको जिल्ला प्रहरी कार्यालय सुनसरीले जनाएको छ ।
