१५ असार, दाङ ।
भारी वर्षाका कारण पहिरो गएपछि दाङको घोराहीबाट रोल्पाको होलेरी जोड्ने सडकखण्ड अवरुद्ध भएको छ ।
यस सडकखण्डको विभिन्न ठाउँमा पहिरो जाँदा गाडी चल्न नसकेको जिल्ला प्रहरी कार्यालय दाङका डीएसपी सुमित खड्काले जानकारी दिए । उनका अनुसार सडक अवरुद्ध हुँदा गाडी बीच सडकमै रोकिएका छन् ।
रोल्पा रुकुम, सल्यान र प्युठान जिल्ला चल्ने गाडीसमेत यसै सडक भएर आवतजावत गर्ने भएकाले आवागमनमा समस्या भएको हो । वर्षायाम सुरु भएसँगै ठाँउ–ठाउँमा पहिरो खस्दा घोराही–होलेरी सडक खण्डमा यात्रा गर्न जोखिम हुने गरेको छ ।
