१६ साउन, मोरङ । मोरङको बुढी गंगा गाउँपालिका–२ बिराटनगर ईटहरी सडक खण्डमा बिहिवार राती साँढे ८ बजे भएको बस दुर्घटनामा परी बस चालकको मृत्यु भएको छ । दुर्घटनामा परी ३ जना घाईते भएका छन् ।
बिराटनगरबाट ईटहरी तर्फ जाँदै गरेको को १ ख ६९५२ नम्बरको बस आफै अनियन्त्रीत भई सडकको डिभाईडरमा ठोक्किन गई दुर्घटना भएको प्रह्रीले जनाएको छ ।
घाईते ४ जनालाई उपचारको लागी टिचिङ अस्पताल गंगा चोक लगिएकोमा उपचारको क्रममा बसका चालक धनकुटाको साँगुरी गढी गाऊँपालिका-७ का २९ बर्षीय जोशन राईको मृत्यु भएको हो ।
अन्य ३ जना घाईतेको सोही अस्पतालमा उपचार भईरहेको जिल्ला प्रहरी कार्यालय मोरङले जनाएको छ ।
