योगेन्द्र योगी
१८ साउन, दोहा ।
विभिन्न आपराधिक घटना संलग्न २३ नेपाली कतारको सेन्ट्रल जेलमा छन् । कनूनी कारबाहीको सिलसिलमा अदालती प्रक्रिया पूरा गरी सजाय भुक्तानीका लागि उनीहरु जेलमा रहेको कतारस्थित नेपाली दूतावासले जनाएको छ ।
२०७७ बैशाखदेखि असार मसान्तसम्मको कार्य सम्पादनको विवरण सार्वजनिक गर्दै दूतावासले कतारको आपराधिक सूचना विभाग ५५ जना नेपालीहरु नेपाल फर्कने क्रममा रहेका जनाएको छ ।
दूतावासले दिएको जानकारी अनुसार २४ वटा एमआरपी लाइभ नामांकन, २९ वाट एमआरपीको लागि म्यानुअल फारम संकलन भएको तथा १५ एमआरपी वितरण गरिएको जनाएको छ ।
दूतावासका अनुसार ८४ जनालाई एकतर्फि यात्रा अनुमति पत्र दिएको जनाएको छ । यस्तै २४ विवाह दर्ता जन्म दर्ता नाता प्रमाणित गरेको छ । ८ जनाको प्रहरी चारित्रिक प्रमाणपत्र, ११ सवारी चालक अनुमतिपत्र प्रमाणीकारण तथा २४ जनालाई कम्पनी परिवर्तन गर्न पीसीसी जारी गरिएको दूतावासले जनाएको छ ।
मृतकहरु मध्ये ४९ शव नेपाल पठाईएको जनाएको छ भने २२ शव परिवारबाट सहमति लिई कतारमै अन्त्येष्टि गरिएको जनाएको छ । यस्तै कतारको लङ्ग टर्म केयर हस्पिटलमा ५ जना विरामीहरु रहेको जनाएको छ ।
गुनासो व्यवस्थापन तथा सहजीकरण
कोभिड १९ को कारण समस्यामा परेका २,०३१ जनालाई खाना बस्न तथा तलबसम्बन्धी समस्या भएको जनाएको छ । १,०६७ जनाको रोजगारी समाप्त भएको वा कटौती भएको दूतावासले जनाएको छ ।
रोजगारी समाप्त भई २,६१९ जनालाई खाना बस्न समस्या भएको जनाएको छ । कोभिड १९ जन्य समस्या ८५१ ,नेपाल फर्कने सम्बन्धी ९,२९१ जना तथा अन्य विषयहरुमा १०४ जनाको गुनासो व्यवस्थापन तथा सहजीकरण गरिएको जनाएको छ ।
कोभिड-१९ को कारण खानाको समस्यामा परेका श्रमिकहरुलाई नेपाली दूतावासको तर्फबाट ९०० थान र दूतावासको समेत सहकार्यमा गैह्रआवासीय नेपाली संघ कतारद्वारा ५,९१७ जनालाई खाद्यसामग्री वितरण गरिएको जनाएको छ ।
नेपाल जानका लागि जारी फाराम सम्बन्धी विवरण
जेठ २२ देखि असार मसान्तसम्म नेपाल जान दूतावासबाट जारी भएको फाराम भर्नेको संख्या १०,५८० रहेको छ भने कम्पनीबाट नेपाल फर्काउन पठाएको संख्या २,६७५ जना गरि नेपाल फर्कन चहाने नेपालीको संख्या १३,२५५ दूतावासले जनाएको छ ।
असार ६ देखि असार मसान्तसम्म भएको चार्टर उडानमार्फत कतारबाट नेपाल, हिमालय एयरलाइन्स र कतार एयरवेज गरि १७ उडान मार्फत कतारको डिपोर्टेसन सेन्टरमा रहेका ३४४ जनासहित २,५५७ जनालाई नेपाल पठाईएको दूतावासले जनाएको छ ।
आर्थिक प्रशासन शाखा सम्बन्धी
बैशाखदेखि असार मसान्तसम्म राहदानीबाट ८,४२७ कतारी रियाल तथा अन्यबाट ९,११५ गरि जम्मा १७,५४२ कतारी रियाल राजश्व संकलन भएको जनाएको छ ।
यस्तै कतारमा विभिन्न कारणले मृत्यु भएको नेपाली कामदारले पाउने क्षतीपूर्ती रकम (वीमा र अन्य) २८,५८,३९६.४८ नेपाली रुपैँया कन्सुलर सेवा विभागमा पठाएको दूतावासले जनाएको छ ।
कतारमा रहेको नेपाली नागरिकहरु विभिन्न समयमा विविध कारणले घाइते वा मृत्यु भई नियमानुसार प्राप्त भएको रकम सम्बन्धित कानूनी हकदारका नाममा पठाउने गरिएको जनाइएकाे छ।
रकमको मात्रा थोरै भएमा मृतकको शवसँगै जाने मृतकले काम गर्ने कम्पनीले खटाएको व्यक्तिका साथमा पनि पठाउने गरिएको दूतावासले जनाएको छ ।
