२७ साउन, उदयपुर । उदयपुरमा समुदायस्तरमा कोरोना भाइरसको सङ्क्रमण फैलिएपछि तीन वटा नगरपालिका क्षेत्रमा भदौ ७ गतेसम्म निषेधाज्ञा जारी गरिएको छ ।
उदयपुरको बेलका, चौदण्डीगढी र त्रियुगा नगरपालिका क्षेत्रभित्र साउन २७ गते बेलुकादेखि भदौ ७ गतेसम्म निषेधाज्ञा घोषणा गरिएको प्रमुख जिल्ला अधिकारीले बताएका छन् ।
उदयपुरमा मङ्गलबार मालपोत कार्यालयका ६ जना कर्मचारीसहित १५ जनामा कोरोना पोजेटिभ देखिएपछि प्रशासनले यो कदम चालेको प्रजिअले जानकारी दिएका हुन् ।
खाद्यान्न पसल बिहान ९ बजेदेखि १२ बजेसम्म खुला रहने र अन्य सम्पूर्ण क्षेत्र बन्द हुने प्रशासनले जनाएको छ ।
