५ भदौ, एजेन्सी । इंग्ल्यान्ड र पाकिस्तानबीचको तेस्रो तथा निर्णायक टेस्ट आज शुक्रबार सुरु हुँदैछ । यसपटकको इंग्लिस क्रिकेट सिजनको यो अन्तिम टेस्ट हुनेछ । यस्तै इंग्ल्यान्डले लगातार खेल्न लागेको यो छैटौं टेस्ट हो ।
यसअघि इंग्ल्यान्डले वेस्ट इन्डिजविरुद्ध तीन टेस्टको सिरिज खेलेको थियो । त्यसमा इंग्ल्यान्ड २–१ ले विजयी रहेको थियो । अहिलेको तीन टेस्टको सिरिजमा इंग्ल्यान्ड १–० ले अगाडि छ ।
इंग्ल्यान्डले सिरिजको पहिलो टेस्ट जितेको थियो भने वर्षाले प्रभावित दोस्रो टेस्ट बराबरीमा टुंगिएको थियो ।
