१५ भदौ, काठमाडौं ।
काठमाडौं महानगरपालिकाका मेयर विद्यासुन्दर शाक्यलाई कोरोना संक्रमण पुष्टि भएको छ । दुई दिनअघि स्वाब दिएका उनलाई सोमबार कोरोना संक्रमण पुष्टि भएको मेयर शाक्यको सचिवालयले जनाएको छ ।
उनकी पत्नीलाई सन्चो नभएपछि शाक्य दम्पत्तिले स्वाब दिएका थिए । शाक्य अहिले होम आइसोलेसनमा बसेका छन् । उनलाई कोरोना संक्रमणको लक्षण देखिएको छैन ।
दुवै जनाको स्वाव संकलन गरिएकोमा उनकी पत्नीलाई भने कोरोना संक्रमण नदेखिएको जनाईएको छ ।
