नितेश यादव
१५ भदौ, जनकपुरधाम ।
प्रत्येक वर्ष जनकपुरधामको रामानन्द चोकमा आयोजना हुने दुर्गा पूजाको लागि आज बँसकट्टी गरिएको छ । दशैंको डेढ महिना मात्र बाँकी रहेको समयले सोमबार जनकपुरधामको स्थानीय रामानन्द युवा क्लबले प्रत्येक वर्ष मनाउँदै आएको दुर्गा पूजाका लागि बँसकट्टी गरेको हो ।
प्रत्येक वर्ष धुमधामका साथ बँसकट्टी गरे पनि यस वर्ष कोराना महामारीको कारण न्यून सहभागितामा बँसकट्टी विधी गरिएको क्लवका अध्यक्ष मनमोहन साहले जानकारी दिए । रामानन्दचोकमा भव्यतापूर्वक प्रत्येक वर्ष क्लबले दूर्गा पूजाको आयोजना गर्दैआएको छ ।
यहाँ विगत २६ वर्षदेखि दुर्गा पूजाको आयोजना हुँदै आएको साहले बताए । प्रत्येक वर्ष लाखौं रुपैयाँ खर्च गरेर मेलाको आयोजना गरेपनि यस वर्ष कोरोना महामारीको कारण बढी तामझाम नगर्ने क्लवले जानकारी दिएको छ । यसवर्ष आउँदो कार्तिक १ गते घटस्थापनासँगै दशैँ प्रारम्भ हुने भएको छ ।
