२२ भदौ, दोहा ।
वैदेशिक रोजगारीको क्रममा कुवेत पुगेका एक नेपालीको मृत्यु भएको छ । विगत १ वर्ष अघि मात्र कुवेत पुगेका काभ्रेपलान्चोकका बिष्णु बहादुर तामाङको उपचारको क्रममा कुवेतको आदान अस्पतालमा मृत्यु भएको हो ।
तामाङ १५ दिन अघि मात्र कुवेतको स्वेखमा रहेको मानसिक अस्पतालमा लगिएको त्यहाँ १२ दिन उपचारपछि कम्पनीमा फर्काइएको थियो ।
पुनः रोगले च्यापेपछि कुवेतको आदान अस्पताल लगिएकोमा उनको उपचारकै क्रममा मृत्यु भएको कुवेतस्थित नेपाली दूतावास स्रोतले जनाएको छ ।
मृतक कुवेतको आर्मर स्टेट गार्ड कम्पनीमा सेक्युरिटी गार्डको काम गर्दै आएका थिए । उनको घरमा श्रीमती र २ वर्षकी छोरी रहेको बताइएको छ ।
