६ असोज, काठमाडौं ।
नेपाली कांग्रेसका वरिष्ठ नेता रामचन्द्र पौडेल पक्षको बैठक बस्ने भएको छ।
संस्थापनइतको बैठक कांग्रेस महामन्त्री शशांक कोइराला निवास महाराजगञ्जमा बस्ने भएको हो।
दिउँसो १ बजेका लागि बोलाइएको बैठकमा पार्टी महाधिवेशन, क्रियाशिल सदस्यता लगायतका विषयमा छलफल हुने जनाइएको छ।
प्रधानमन्त्री एवं अध्यक्ष शेरबहादुर देउवाले पार्टीमा छलफल नगरि अघि बढ्न खोजेको भन्दै त्यसबारे पनि पौडेल पक्षमा छलफल हुने भएको एक नेताले जानकारी दिए।
देउवा निकट नेता नारायण खड्कालाई पार्टीमा छलफल नगरि परराष्ट्रमन्त्री बनाउने तयारी गरेपछि पौडेल पक्ष असन्तुष्ट बनेको हो।
यसअघि आजै आसन्न महाधिवेशन, मन्त्रिपरिषद् विस्तार तथा पार्टीको आन्तरिक गतिविधिको विषयमा छलफल गर्न सभापति शेरबहादुर देउवाले पदाधिकारी बैठक बोलाएका छन्। बैठक दिउँसो ३ बजे सभापति देउवा निवास बूढानीलकण्ठमा बस्दै छ।
