१६ फागुन, एजेन्सी ।
बर्माको सैन्य शासकले संयुक्त राष्ट्रसंघ महा सभामा विवादास्पद अभिव्यक्ति दिएको भन्दै राजदूतलाई बर्खास्त गरेको छ।
महा सभामा भाषण गर्ने क्रममा राजदूत क्यो मो तुनले आफ्नो देशको सैन्य शासकलाई कुनै पनि प्रकारको सहयोग नगर्न अपील गरेका थिए। जनसम्म लोकतान्त्रिक सरकार जनताको हातमा आउँदैन, तबसम्म विदेशी शक्तिले सैन्य शासकमाथि दबाब राखिरहनुपर्ने उनको आशय थियो।
तुनले आफ्नो देशमा लोकतन्त्र बहालीमा सहयोगका लागि सेनाविरुद्ध कारबाहीका लागि जुनसुकै साधनको प्रयोग गर्न अन्तरराष्ट्रिय समुदायलाई आग्रह गरेका थिए। उनले आफू पूर्ववर्ती सरकारको प्रतिनिधि भएकाले यसो भनेको प्रष्ट पारेका थिए।
उनले भनेका थिए, ‘हामी अन्तरराष्ट्रिय समुदायसँग सैनिक तख्तापलट समाप्त गर्न, निर्दोष मानिसमाथिको अत्याचार रोक्न र लोकतन्त्रको पुनःस्थापना निम्ति सहयोग गर्न आग्रह गछौं।’
फेब्रुअरी १ मा सेनाले सत्ता हातमा लिएपछि आङ सान सुकी लगायतका शीर्ष नेताहरुलाई नजरबन्दमा राखिएको छ।
