अत्यावश्यक वस्तुको आपूर्ति सहज बनाउन भन्सार विभागलाई अर्थमन्त्री पौडेलको निर्देशन

३ जेठ, काठमाडौं ।

स्वास्थ्य सामग्रीसहित अत्यावश्यक वस्तुको आपूर्ति सहज बनाउन भन्सार विभागले ‘क्विक रेस्पोन्स टिम’ खटाएको छ।

भन्सार प्रशासनले कोरोना महामारीमा खेलेको भूमिका सम्बन्धमा सोमबार आयोजित भर्चुअल कार्यक्रममार्फत यस्तो निर्णय गरिएको हो।

कार्यक्रम्मा अर्थमन्त्री विष्णु पौडेलसहितका छलफल कार्यक्रममा कोरोना रोकथाम र उपचारसँग सम्बन्धित सामग्रीको भन्सार जाँचपास छिटो र छरितो बनाउन निर्देशन दिइएको हो ।

अर्थमन्त्री पौडलले नेपाल सरकार, प्रदेश, स्थानीय तह, गैरसकारी संस्था, निजी क्षेत्रले आयात गर्ने लिक्विड अक्सिजन, अक्सिजन सिलिन्डर, अक्सिजन प्लान्ट र त्यसका पार्टपूर्जा लगायतका सामग्रीहरुको बिना झन्झट भन्सार जाँचपास गरी आपूर्तिलाई थप सहज बनाउन निर्देशन दिएका छन् ।

एकातिर कोभिड–१९ बाट जोगिनु पर्ने र अर्कातिर प्रभावकारी रुपमा कार्य सम्पादन गर्नु पर्ने अवस्था रहेको भन्दै उनले स्वास्थ्य मापदण्ड पालना गरी काम गर्न समेत सुझाव दिए ।

अर्थमन्त्री पौडेलले कोभिड–१९ को उपचारका लागि आयात भएका वस्तुको परिणाम र मूल्य सहित दैनिक रुपमा जानकारी गराउन समेत निर्देशन दिएका हुन् ।

भन्सार विभागका अनुसार केन्द्र स्तरमा हुने अधिकांश कामलाई अहिले अनलाइन प्रणालीबाट व्यवस्थित गरिएको छ ।

छुटाउनुभयो कि?

सम्पूर्ण