आज हरिशयनी एकादशी, घरघरमा तुलसी रोपी मनाइँदै

0SHARES

नेपाल टाईम्स

१७ असार, काठमाडौं
आज हरिशयनी एकादशी । घरघरमा तुलसी रोपेर भगवान विष्णुको पूजा आराधना गरिंदै छ । एक महीनाअघि जेष्ठ शुक्ल एकादशीका दिनमा घरमा रहेको तुलसी मोठमा राखिएको दलको बिरुवा आज मोठमा सारिन्छ ।

सनातन वैदिक परम्पराअनुसार तुलसीलाई विष्णुको प्रतीकका रूपमा मानिन्छ । आजदेखि कात्तिक शुक्ल एकादशीका दिनसम्म तुलसीको विशेष पूजा हुन्छ । आज निराहार व्रत बसी भगवान् श्रीविष्णु र तुलसीको पूजा अर्चना गरेमा आफ्नो मनोकामना पूरा हुने जनविश्वास छ ।

ठूलो एकादशी समेत भनिने आजैका दिनबाट चतुर्मास व्रत समेत सुरु हुन्छ । चतुर्मास अवधिमा तुलसीको विरुवामा पानी चढाउदै पुजा गर्नुलाइ उत्तम मानिन्छ । आजदेखि भगवान् विष्णु क्षीरसागरमा सुत्नुहुने धार्मिक विश्वासका आधारमा आजको एकादशीलाई हरिशयनी एकादशी भनिएको हो ।

हरिशयनी एकादशीका अवसरमा काठमाडौँको बूढानीलकण्ठस्थित नारायणस्थान, उपत्यकाका चार नारायण मन्दिरलगायत मुलुकभर रहेका भगवान विष्णु लगायत अन्य देविदेवताका मन्दिरहरुमा पनि पूजाआजा तथा धार्मिक अनुष्ठानका लागि भक्तजनको भीड लाग्ने भएपनि कोरोना महामारीका कारण यसवर्ष मन्दिरमा भक्तजनको भीँड देखिँदैन ।

Facebook Comments

विज्ञापन बक्स