उत्तर भारतमा भएको सडक दुर्घटनामा तीनको मृत्यु ५० घाइते

0SHARES

४ आश्विन २०७५ नेपाल टाईम्स

नयाँ दिल्ली, असोज ४
उत्तर भारतको, पहाडी सडकमा भएको एक सडक दुर्घटनामा परी कम्तीमा तीन व्यक्तिको मृत्यु हुनको साथै अन्य ५० जना घाइते भएका छन् ।
एक निजी बस पहाडी सडकमा पल्टिदा सो दुर्घटना भएको प्रहरी स्रोतले बिहीबार जानकारी दिएको छ । बुधबार राती चिप्लो सडकमा बस पल्दिँदा सो घटना भएको र तीन व्यक्तिको घटना स्थलमा नै मृत्यु भएको छ ।

घाइतेहरु अस्पताल भर्ना गरिएको र घाइते मध्ये सातको अवस्था भने चिन्ताजनक रहेको नाम नबताउने शर्तमा एक प्रहरी अधिकारीले जानकारी दिएका छन् ।

प्रत्यक्षदर्शीका अनुसार चालकले नियन्त्रण गुमाउँदा सो दुर्घटना भएको हो । सो क्षेत्रमा लगाइएका घेराहरुको कारण बस खाल्डोमा खस्नबाट बचेको र घेरै व्यक्ति बाँच्न सफल भएका स्थानीय प्रहरी प्रमुख मोनिकाले सञ्चार माध्यमलाई बताएकी छिन् ।

यस दुर्घटनाको अनुसन्धान गर्न सरकारले आदेश दिएको पनि मोनिकाले जानकारी दिएकी छिन् ।
रासस /सिन्ह्वा

विज्ञापन बक्स