झापा, माघ १३
झापा कारागारमा जेल जिवन बिताइरहेका एक कैदीबन्दीको उपचारका लागि लैजाने क्रममा हिजो दिउँसो मृत्यु भएको छ ।
मृत्यु हुनेमा मेचीनगर नगरपालिका ६ निवासी ४१ बर्षीय नवराज श्रेष्ठ रहेको झापा कारागार भद्रपुरले जनाएको छ । केही महिनादेखि मुटु रोगबाट पीडित श्रेष्ठलाई अञ्चल अस्पताल भद्रपुरमा उपचार गराइएको थियो ।
अञ्चल अस्पतालमा उपचार संम्भव नभएपछि कारागार विभागको सहकार्यमा उनलाई काठमाडौं लैजाने क्रममा एम्बुलेन्स भित्रै सिन्धुली पुगेपछि मृत्यु भएको झापा कारागारका जेलर यज्ञराज निरौलाले जानकारी दिए । जबरजस्ती करणी अभियोगमा पक्राउ परेका श्रेष्ठलाई झापा जिल्ला अदालतले १० बर्ष कैद सजाय तोकेको थियो ।
