कतारबाट स्वदेश फर्किनेको विवरण सार्वजनिक,महंगाे भाडाले निराश

0SHARES

३१ जेष्ठ २०७७ नेपाल टाईम्स

योगेन्द्र योगी
३१ जेठ, दोहा ।
विश्वब्यापी महामारीको ?पमा फैलिएको कोरोना भाइरसको कारण कतार समस्यामा रोकिएका नेपालीहरूलाई स्वदेश फिर्ता गराउनको लागि कतारस्थित नेपाली दुतावासले विवरण सार्वजनिक गरेको छ ।

दूताबासका अनुसार विभिन्न कारणले स्वदेश जान नपाएका नेपालीहरुलाई प्राथमिकताको आधारमा फर्काउने तयारी बारे जानकारी दिँदै आगामी १६ र २० जुन २०२० मा नेपाल एयरलाइन्सका २ उडान र १७ र २२ जुन २०२० मा हिमालय एयरलाइन्सका २ उडान हुने जनाएको छ ।

दुतावासले नेपाल फर्कनै पर्ने नेपालीह?को विवरण (११ जून २०२० सम्म प्राप्त) लाई आधार मानी ५११२ जनाको नाम सार्वजनिक गरेको छ । उक्त सूचिमध्ये प्राथमिकतामा पर्ने नागरिकहरुलाई दूतावासले सूचनामार्फत वा प्रत्यक्ष रुपमा आफैँ सम्पर्क गर्नेछ । हवाई टिकटको मूल्य अमेरिकी डलर ४९० अर्थात ५९ हजर नेपाली रूपैया तोकिएको छ ।

दूतावासका अनुसार आफन्तको मृत्यु भई काजक्रियाका लागि नेपाल जानु पर्ने, सुत्केरी तथा गर्भवती महिला, कोभिड–१९ बाहेक अन्य कारणले गम्भिर स्वास्थ्य समस्या भएका बालबालिका, ज्येष्ठ नागरिक, अपांगता भएका व्यक्ति, अध्ययन समाप्त भएका विद्यार्थी (इन्टर्न समेत), पारिवारिक पुनर्मिलनका लागि आएका, पर्यटक तथा व्यापारिक भिसामा आएकालाई प्राथमिकतामा राखेको छ ।

श्रम करार अवधि समाप्त भएका वा रोजगारी गुमाएका, कतार आईडी र भिसा समाप्त भएका वा आईडी रद्द भएका, बेतलबी बिदामा रहेका पनि प्राथमिकमा रहेको दूताबासले जनाएको छ ।

प्राथमिकतामा परेका यात्रुको नामावली सहित उडान अनुमतिको प्रक्रिया पूरा भएपछि उनीहरुको नामावली प्रकाशित गरिने र हवाइटिकट खरिद गर्न सूचित गराइनेछ भने हवाइटिकट खरिद गर्ने स्थान तथा सम्पर्क विवरण सोही बखतमा जानकारी गराइने दूताबासले जनाएको छ ।

हवाई उडान गर्नु अघि कोरोना संक्रमण नभएको स्वास्थ्य परीक्षण गर्ने सम्बन्धमा थप जानकारी पछि उपलब्ध गराइने दूताबासले जनाएको छ । दोस्रो चरणको हवाइ उडानहरु घोषणा भएपछि माथि उल्लेखित प्रकृयाबाट प्राथमिकतामा पर्ने नागरिकहरुको थप नामावली प्रकाशित गरिने दूताबासले जनाएको छ ।

आममाफी पाएका तथा डिपोर्टेशन केन्द्रमा रहेका नेपालीह?लाई कतार सरकारले आफ्नै विमानमार्फत नेपाल फर्काउने प्रक्रिया अघि बढाएको समेत दूताबासले जानकारी दिएको छ ।

यता, दूताबासको आधिकारिक फेसबुक पेजबाट जारी गरेको सूचनामा पिडित श्रमिकहरुले सरकारले निर्धारण गरेको हवाई टिकटको मूल्य देखेर आफूहरु अलमल्ल परेको बताएका छन् ।

समस्यामा परेर स्वदेश फिर्ताको पर्खाइमा रहेका र अलपत्र परेका नेपालीहरुलाई सरकारले सहयोग गर्ला भनेर अपेक्षा गरेर बसेका थिए तर त्यो आशा निराशामा परिणत भएको बताउन थालेका छन् ।

यहाँ क्लिक गरी नामावली सहित विवरण हेर्न सकिने छ 

विज्ञापन बक्स