कासेमिरोको गोलमा मड्रिड उक्लियो शिर्षस्थानमा

१५ असार, एजेन्सी ।
स्पेनिस ला लिगा अन्तर्गत गएराति भएको खेलमा रियल मड्रिडले एस्पानोयलमाथि जित निकाल्दै शीर्षस्थानमा उक्लिएको छ।

कोर्नेला–एलपार्ट स्टेडियममा भएको खेलमा घरेलु टोली एस्पानोयलमाथि १–० को संघर्षपूर्ण जित निकाल्दै मड्रिड शीर्षस्थानमा उक्लिएको हो। रियलको जितमा एकमात्र गोल कासेमिरोले गरे। उनले पहिलो हाफको अतिरिक्त समयमा करिम बेन्जेमाको पासमा निर्णायक गोल गरेका थिए।

जितसँगै ३२ खेलबाट ७१ अंक जोडदै रियल अंकतालिकाको शीर्षस्थानमा उक्लिएको छ। रियलले समान खेल खेलेर ६९ अंक जोडेको बार्सिलोनालाई पछि पार्दै तालिकाको शीर्षस्थानमा उक्लिएको हो। यसअघिको खेलमा बार्सिलोनाले अलाभेससँग २(२ को बराबरी खेल्दै अंक बाँडेको थियो।

त्यस्तै एट्लेटिको मड्रिड ५८ अंकसहित तालिकाको तेस्रो स्थानमा छ।