कोपा डेल रे : पुनरागमन जितसहित बार्सिलोना क्वाटरफाइनलमा

0SHARES

४ माघ २०७५ नेपाल टाईम्स

एजेन्सी, माघ ४
कोपा डेल रे फुटबल अन्तर्गत पहिलो लेगमा २–० ले पछि परेको बार्सिलोनाले लेभान्टेमाथि दोस्रो लेगमा ३–० को पुनरागमन जित निकाल्दै क्वाटरफाइनलमा प्रवेश गरेको छ ।घरेलु मैदान क्याम्प नोउमा बिहीबार राति भएको खेलमा बार्सिलोनालाई जिताउन औसमान डिम्वेलेले २ तथा कप्तान लियोनल मेस्सीले एक गोल थपे । बार्सिलोनाले समग्रमा ४–२ को जित निकाल्दै आन्तिम आठमा पुग्न सफल भएको हो ।

लेभान्टेलाई सुरुवातदेखि नै दवावमा राखेको बार्सिलोनाका लागि पहिलो हाफमा २ तथा दोस्रो हाफमा १ गोल सम्भव भएको थियो । खेलको ३०औं मिनेटमा डेम्वेलेको गोलबाट अग्रता बनाएको थियो । कप्तान लियोनेल मेस्सीको पासमा डेम्वेलेको प्रहार सर्जियो पोस्टिगोले क्लियर गर्न खोजेपनि असफल बन्यो । लगत्तै ३१औं मिनेटमा डेम्वेलेले मेस्सीकै पासमा अर्को गोल थप्दै बार्सिलोनाको अग्रता दोब्बर बनायो । ५४औं मिनेटमा कप्तान लियोनेल मेस्सीले गर्दै बार्सिलोनालाई ३–० को जित दिलाउदै क्वाटरफाइनलको यात्र तय गराए । मेस्सीले नेल्सन सोमिडेको पासलाई सदुपयोग गरेका थिए ।

बिहीबारै भएको अर्को खेलमा इस्पान्योलले भिल्लारियललाई ३–१ ले पराजित गर्दै क्वाटरफाइनलमा प्रवेश गर्न सफल भएको छ । इस्पान्योलले समग्रमा ५–३ को जित निकालेको हो । अर्को खेलमा रियल बेटिसले रियल सोसिडाडलाई खवे गोलमा पछि पार्दै क्वाटरफाइनलमा स्थान बनाउन सफल भयो । रियल बेटिस र रियल सोसिडाडबीचको खेल भने २–२ गोलको बराबरीमा सकिएको थियो ।

विज्ञापन बक्स