कोशीमा उपचाररत इनरुवाका युवालाई कोरोना संक्रमण

0SHARES

१४ असार २०७७ नेपाल टाईम्स

१४ असार, विराटनगर ।
कोशी अस्पताल विराटनगरमा उपचाररत एक जनालाई कोरोना भाइरसको संक्रमण देखिएको छ । विराटनगर स्थित कोशी अस्पतालको आइसोलेशन वार्डमा एक हप्ता अगाडी देखी भर्ना भएका सुनसरीको इनरुवाका ३२ वर्षीय युवामा पोजेटिभ देखिएको हो ।

अस्पतालमा कोरोना पोजेटिभ देखिएपछि उनलाई राखिएको आइसोलेशन वार्डलाई ७२ घण्टा सम्म सिल गरिएको अस्पतालका मेडिकल सुपरिटेन्डेन डा. चुमनलाल दासले बताए । उनले वार्डमा काम गरेका डाक्टर, नर्स र कर्मचारीहरुको तत्काल स्वाव परिक्षण गर्ने र क्वारेन्टाइनमा राख्ने बताए ।

कोरोना पोजेटिभ देखिएका युवालाई कोशी कोभिड–१९ अस्पतालमा पठाउने तयारी भइरहेको पनि उनले बताए । पोजेटिभ देखिएका इनरुवाका युवा १५ दिन अगाडि पाकिस्तानबाट नेपाल आएका थिए ।

विज्ञापन बक्स