६ चैत, काठमाडौँ । त्रिभुवन विश्वविद्यालयले चैत ७ गते अर्थात भोलिदेखिका सबै परीक्षा र पठनपाठन अर्को सूचना जारी नभएसम्मका लागि स्थगित गरेको छ ।
विश्वविद्यालयको कार्यकारी परिषद् बैठकले शुक्रबारदेखिका सबै परिक्षा र नियमित कक्षाहरु स्थगित गर्ने निर्णय गरेको त्रिवि सभा तथा कार्यकारी परिषद्का प्रवक्ता सूर्यप्रसाद अधिकारीले जानकारी दिए ।
अधिकारीले बिहीबार विज्ञप्ति जारी गर्दै अर्को सूचना नभएसम्मका लागि विश्वविद्यालयले तय गरेका परीक्षा र पठन पाठनका कार्यक्रम स्थगित भएको जानकारी गराएका छन्।
