जेष्ठ नागरिकलाई छुट नदिनेलाई कडा कारवाही

0SHARES

१२ फाल्गुन २०७४ नेपाल टाईम्स

विराटनगर, फागुन १२
एक नम्बर प्रदेशका सामाजिक विकास मन्त्री जिवन घिमिरेले राज्यले जेष्ठ नागरिकहरुका लागि प्रदान गरेको छुटको व्यवस्था लागु नगर्नेलाई कडा कारवाही गर्ने चेतावनी दिएका छन् ।

विराटनगर ३ स्थित एवान क्वालिटि स्कुलको २१ औं वार्षिक उत्सव तथा अभिभावक दिवसका अवसरमा बोल्दै मन्त्री घिमिरेले जेष्ठ नागरिकहरुका लागि राज्यले स्वास्थ्य परिक्षणमा सहुलियत दिनुपर्ने व्यवस्था लागू गराउन र सार्वजनिक यातायातमा पाउनुपर्ने छुटको व्यवस्था अविलम्ब कार्यान्वयन गराउने उनले प्रतिबद्धता व्यक्त गरे ।

सरकारले जेष्ठ नागरिकहरुलाई सार्वजनिक यातायात, अस्पताल लगायतमा विशेष छुट सुविधाको व्यवस्था गरेको भएपनि अहिलेसम्म सुविधा नपाएको भन्दै जेष्ठ नागरिकहरुले पटकपटक गुनासो गरेको बताउँदै उनले यस विषयमा आफूले पहल गर्ने प्रतिबद्धता व्यक्त गरे । उनले सम्बन्धित क्षेत्रका सरोकारवालाहरुलाई बोलाएर अविलम्ब छुटको व्यवस्था लागू गर्न निर्देशन दिने र अटेर गर्नेलाई कारवाही गर्ने चेतावनी दिए ।

विज्ञापन बक्स