ज्येष्ठ नागरिक दिवसमा ज्येष्ठ नागरिकलाई सम्मान

0SHARES

१५ आश्विन २०७५ नेपाल टाईम्स

विराटनगर,असोज १५
ज्येष्ठ नागरिक दिवसको अवसरमा विराटनगर ३ स्थित हाम्रो ज्येष्ठ नागरिक हातेमालो सेवा समाजले विविध कार्यक्रम गरेको छ । समाजले विचार गोष्ठी, सरसफाई र १ सय २ बर्षिय ज्येष्ठ नागरिकलाई सम्मान गरेको छ । सो अवसरमा स्थानिय देवी पाञ्चायन मन्दिरमा विचार गोष्ठी आयोजना गरिएको थियो ।

कार्यक्रममा प्रदेश एकका सामाजिक विकास मन्त्री जीवन घिमिरेले जेष्ठ नागरीकलाई सम्मान गर्नु र उनीहरुको अनुभवबाट पाठ सिक्नुपर्ने बताए ।

उनले जेष्ठ नागरिकका समस्या ब्यवस्थापन गर्न प्रदेश सरकार विभिन्न योजनासहित अघि बढेको समेत बताए । दिवसको अवसरमा हातेमालो सेवा समाजले सरसफाई कार्यक्रम समेत गरेको थियो ।

सरसफाईमा ज्येष्ठ नागरिक सहित मन्त्री घिमिरे समेत सहभागि थिए । सरसफाईको क्रममा शिव पाञ्चायन मन्दिर अघिल्तिर रहेको पूर्वपश्चिम सडकको सफाई गरिएको थियो ।

दिवसकै अवसरमा समाजले विराटनगर ४ की १ सय २ बर्षिय बिष्णुदेवी दाहाललाई सम्मान गरेको छ ।

विज्ञापन बक्स