ट्युबबाट महाकाली नदी तरेर भारत प्रवेश गरेका ४ नेपाली पक्राउ

0SHARES

२६ कार्तिक २०७७ नेपाल टाईम्स

२६ कात्तिक, बैतडी ।

महाकाली नदीमा ट्युबबाट भारत प्रवेश गरेका चार जना नेपालीलाई भारतीय प्रहरीले गिरफ्तार गरेको छ ।

सीमा नाका बन्द भएको बेला ट्युबबाट भारत गईरहेका चारजनालाई भारतीय प्रहरी र एसएसबीको संयुक्त टोलीले मंगलबार नियन्त्रणमा लिएको भारतीय पत्रकार प्रमोद भट्टले जानकारी दिए । मजदुरीका लागि भारत गएका उनीहरुलाई भारतीय प्रहरीले पक्राउ गरेको हो ।

अवैध रुपमा भारत प्रवेश गरेको भन्दै बझाङका पुस्कर बोहरा, गजेन्द्र बोहरा, जनक बोहरा र बीरबहादुर बोहरालाई पक्राउ गरिएको भारतीय प्रहरीलाई उद्धृत गर्दै भारतीय पत्रकार प्रमोद भट्टले जानकारी दिए। पक्राउ परेका चारैजनालाई आज अदालतमा पेश गरिने उनले बताए।

सीमा नाका झुलाघाट बन्द हुँदा रोजगारीका लागि भारत जानेहरु महाकालीमा ट्युब मार्फत जाने गरेका छन् । स्वदेशमा रोजगारी नपाएको भन्दै सैयौं मजदुर कोरोना कहरकाबीच भारत गईरहेका छन् ।

झुलाघाट नाका बन्द हुँदा उनीहरु महाकालीमा ट्युबमा मार्फत तरेर भारत जाने गरेका छन् । ट्युब मार्फत भारत प्रवेश गरेकाहरुलाई भारतीय प्रहरीले अवैध रुपमा प्रवेश गरेको भन्दै पक्राउ गर्ने गरेको छ ।

विज्ञापन बक्स