१७ चैत, दाङ । दाङका यातायात मजदूरहरूको तलबभत्ता नियमित रूपमा उपलब्ध गराउन यातायात व्यवसायीहरू सहमत भएका छन्।
यसअघि यातायात मजदूरहरूले आफ्नो माग पूरा नगरेको भन्दै मंगलबार बिहानदेखि नै चक्काजाम गरेका थिए।
त्यसपछि जिल्ला प्रशासन घोराहीमा मजदूर संगठन र प्रमुख अधिकारीबीच समस्या समाधानका लागि छलफल भएको थियो। यसैगरी दिउँसो १ बजेदेखि यातायात सञ्चालन गर्ने सहमति भएको छ।
उक्त छलफलमा मजदूरहरूको तलबभत्ता नियमित उपलब्ध गराउने लगायत ६ बुँदे निर्णय भएको छ।
