दिनभरका प्रमुख खबर

0SHARES

८ मंसिर २०७७ नेपाल टाईम्स

आजका प्रमुख खबरहरुः

१.(को–को आत्तिएछन् ?)
सरकारविरूद्ध भइरहेका भ्रमपूर्ण प्रचारको पछि नलाग्न प्रधानमन्त्री केपी शर्मा ओलीको आग्रह / सरकारको लोकप्रियतालाई देखेर आत्तिएकाहरुले सरकार परिवर्तन हुँदैछ भन्नेजस्ता नकारात्मक सन्देश फैलाएको टिप्पणी ।

२.(पिएमको दौडाहा)
पूर्व क्षेत्रको भ्रमणमा निस्किएका प्रधानमन्त्री ओलीद्वारा ताप्लेजुङस्थित घुन्सा फाउन्डेसन भवनको उद्घाटन /घुन्साको कार्यक्रमपछि प्रधानमन्त्री नेतृत्वको टोलीद्वारा ओलाङचुङगोला र इलामको जौबारीको पनि भ्रमण ।

३.(किन भयो त भेट ?)
प्रधानमन्त्री केपी शर्मा ओलीले सभापति शेरबहादुर देउवासँग गरेको भेटघाटलाई सत्ता साझेदारीसँग नजोड्न कांग्रेस प्रवक्ता विश्वप्रकाश शर्माको आग्रह /प्रधानमन्त्रीले सत्तामा सहभागि गराउने ‘अफर’ गरेको आशंका नगर्न सुझाव

४.(सकियो त घोटाला ?)
ललिता निवास प्रकरणमा विशेष अदालतमा हाजिर भएका पूर्वमन्त्री चन्द्रदेव जोशी साधारण तारेखमा छुटे /अख्तियारले १७५ जनालाई प्रतिवादी बनाएर विशेषमा मुद्दा दायर गरेकोमा जोशी आजै साधारण तारेखमा रिहा ।

५.(नेपालमा आज)
नेपालमा २४ घण्टामा थप १६ सहित हालसम्म १३ सय ३७ संक्रमितको मृत्यु /आजै ३ हजार ४३ जना डिस्चार्ज हुँदा १९ सय ८० जना संक्रमित थपिए/ सक्रिय संक्रमित १८ हजार ८ सय ८४ पुगे ।

६.(टालटुले कुरो)
संसदको हिउँदे अधिवेशन सुरु गर्ने सम्बन्धमा सरकारसँग छलफल भइराखेको सभामुख अग्निप्रसाद सापकोटाको भनाई/ अबको एक महिना भित्र अधिवेशन सुरु हुने गरी तयारी भइरहेको सापकोटाको प्रतिक्रिया ।

७.(के गर्ने त अब ?)
भारतसँगको खुला सीमानाका कारण अवैध रुपमा नेपाल आउने विदेशी र नेपालबाट तेस्रो मुलुक जानेहरुलाई नियमन गर्न चुनौती/ नेपाल प्रवेश गर्ने खुला ठाउँ धेरै हुनु र अध्यागमन कार्यालय सिमित मात्रामा हुनुले निगरानीमा समस्या ।

८.(भ्रमण उपलब्धिमुलक बनोस्)
भारतीय विदेश सचिव हर्षवर्द्धन श्रींगला दुई दिने भ्रमणका लागि मंसिर ११ गते काठमाडौं आउने / लिपुलेक र कालापानी क्षेत्रमा विवाद चुलिएपछि पहिलो भारतीय उच्च कूटनीतिज्ञका रुपमा हर्षवर्द्धन नेपाल आउदै ।

९.(परीक्षामा नडराउनु)
भोलि मंगलबारदेखि सुरु हुने कक्षा १२ को परीक्षामा ढुक्क भएर सहभागी हुन विद्यार्थीहरुलाई सरकारको आग्रह /परीक्षा केन्द्रमा सबै स्वास्थ्य मापदण्ड अनिवार्य पालना गर्नुपर्ने /परीक्षा सम्बन्धित विद्यालयमै सञ्चालन हुने ।

१०.(पढाउन नि नपाउने ?)
सचिव, सहसचिवलगायत सरकारी कर्मचारीले अब लोक सेवालगायतका तयारी कक्षा पढाउन नपाउने/तयारी कक्षामा प्रशिक्षण दिनुपर्ने भए मन्त्रिपरिषदबाट अनिवार्य रूपमा स्वीकृति लिनुपर्ने/ यसअघि लिएको स्वीकृति निस्कृय ।

११.(बसेको छैन प्रहरी)
नेकपा पर्सा सदस्य मुकेश चौरसियाको हत्याको आरोपमा स्थानीय अखिलेश चौरसिया भनिने अशेसर प्रसाद चौरसिया पक्राउ /संलग्न भनिएका नेता राजकुमार गुप्तासहित ८ जना आरोपित अझै फरार ।

१२.(आँटिलो स्थानीय तह)
अनुमति नलिई सञ्चालन गरिएका दाङका दश वटा क्रसर उद्योगलाई १५ दिनभित्र बन्द गर्न स्थानीय प्रशासनको निर्देशन /मापदण्ड पालना नगरेका क्रसर उद्योग बन्द गर्न आफूहरूले पनि सघाउने व्यवसायी संघको भनाई ।

१३.(खोपमा होडबाजी)
अक्सफोर्ड विश्वविद्यालय र एस्ट्राजेनेकाले विकास गरिरहेको खोपले ७० प्रतिशत मानिसमा कोरोनाको लक्षण बन्न नदिने दाबी /अनुमति पाएमा सन् २०२१ सम्ममा ३ अर्ब डोज उत्पादन गर्ने ।

१४.(क्रिकेटर पनि मैदानमा)
नेपाली राष्ट्रिय क्रिकेट टिमको बुधबारदेखि शुरुहुने बन्द प्रशिक्षणको तयारी पूरा /बन्द प्रशिक्षणमा सहभागि हुने सबै २२ जना खेलाडी प्रशिक्षक तथा ग्राउण्ड स्टाफको मंगलबार पीसीआर परीक्षण गरिने ।

र,

१५.(विश्वमा कोरोना)
विश्वमा हालसम्म कोरोनाबाट ५ करोड ९० लाख बढी संक्रमित /१३ लाख ९५ हजार बढी संक्रमितको मृत्यु/४ करोड ८ लाख बढी उपचारपछि निको भए ।

विज्ञापन बक्स