नेपाल टाईम्स 
आजका प्रमुख खबरहरुः
१.(पत्रयुद्धको निधान)
पत्रयुद्ध गरेर एकअर्कामाथि आरोप–प्रत्यारोपमा उत्रिएका नेकपाका नेताहरु सचिवालय बैठक अघि आ–आफ्नो रणनीति बनाउदै/ प्रस्ताव स्थायी कमिटीमा लैजाने प्रचण्ड तयार रहदा ओलीपक्ष प्रस्ताव फिर्ता वा संशोधनसहित साझा प्रस्ताव बनाउने रणनीतिमा ।
२.(टिकटकको मोह जोगेपछि….)
चीनको टिकटकको बढ्दो लोकप्रियताकै कारण भारत र अमेरिकामा बन्द गरिदा नेपालमा प्रधानमन्त्री केपी शर्मा ओलीको नाममा टिकटक अकाउण्ट खोलियो/प्रधानमन्त्रीको टिकटक अकाउन्ट भेरिफाइड ।
३.(राजाको मोह किन ?)
राजतन्त्र पुर्नस्थापनाको माग गर्दै केहिदिन यता देशका विभिन्न भागमा गतिविधिहरु बढ्दै/त्यस्ता गतिविधिमा सहभागी नहुन सरकारको अपिल गरेको भोलिपल्टै काठमाडौंको माइतीघरमा राजसंस्थाको समर्थनमा प्रदर्शन ।
४.(खेलाची नगरौं)
देशभर पछिल्लो २४ घण्टामा थप २९ सहित हालसम्म कोरोनाबाट ज्यान गुमाउनेको संख्या १५ सय नाघ्यो /आजै १४ सय ७४ संक्रमित थपिँदा १९ सय ३१ जना डिस्चार्ज/सक्रिय संक्रमित १७ हजार ४ सय २३ पुगे ।
५.(स्वास्थ्य क्रान्ति)
देशका ३ सय ९६ स्थानीय तहमा आधारभूत अस्पताल निर्माणका लागि आज एकैदिन अस्पताल भवनको शिलान्यास /३ सय ९६ स्थानीय तहमा एक साथ ५ शैया, १० शैया र १५ शैयाका पालिका स्तरका आधारभूत अस्पतालहरुको शिलान्यास ।
६.(अब चाहियो नेतृत्व)
युवाहरु सरकार र पार्टीको नेतृत्व लिन तयार रहेको ऊर्जामन्त्री वर्षमान पुनको भनाई/नेतृत्व युवालाई हस्तान्तरण गर्ने कुरा आवेग र उत्तेजनामा घोषणा गर्ने विषय नभएकाले दुवै अध्यक्षले सहमतिमा निर्णय गर्नुपर्ने उल्लेख ।
७.(भ्रमण यस्तो हो)
चिनियाँ रक्षामन्त्रीको नेपाल भ्रमणलाई भारतसँग नजोड्न प्रधानमन्त्रीका परराष्ट्र मामिला सल्लाहकार डा. राजन भट्टराईको आग्रह /छिमेकीहरुसँग नेपालको सम्वन्ध जहिलेपनि स्वतन्त्र हुने उल्लेख गर्दै त्यसलाई तेस्रो मुलुकसँग जोडेर गल्ति नगर्न आग्रह ।
८.(कसरी गर्ने काम ?)
मानवअधिकारको रक्षा गर्न माग गर्दे उपत्यकाव्यापी सडक विस्तार पीडित संघर्ष समितिले बुझाए मानवअधिकार आयोगमा ज्ञापनपत्र /सडक विस्तारका नाममा घर भत्काउने र विदाको समयमा पनि डोजर चलाएर समुदायमा आतंक सिर्जना गरेको आरोप ।
९.(प्रभावहीन शिक्षा)
कोभिड १९ महामारीपछि सञ्चालित वैकल्पिक प्रणालीको सिकाइमा ६४ दशमलव ३ प्रतिशत बालबालिकाको सिकाइ प्रभावहीन भएको प्रतिवेदन सार्वजनिक/ सिकाइ प्रभावकारी नहुँदा शिक्षामा दीर्घकालीन असर पर्न सक्ने विज्ञहरुको भनाइ ।
१०.(बहाना नचल्ने)
श्रम स्वीकृति लिएर मात्र हवाई टिकट काट्न श्रमिकहरुलाई वैदेशिक रोजगार कार्यालयको आग्रह /अब ‘आज मेरो फ्लाइट छ’ भन्दै श्रम स्वीकृति लिन आउनेहरुको कुनै पनि बहानामा टोकन अगाडि नसार्ने
११.(पर्यटनको आशा)
सन् २०२२ मा नेपालमा पर्यटकको संख्या निकै बढ्ने पर्यटन मन्त्री योगेशकुमार भट्टराईको भनाई /नेपालीमा मध्यम र माथिल्लो वर्गको महत्वपूर्ण हिस्सा परिवारसहित घुम्न जाने प्रचलन स्थापित भएको उल्लेख ।
१२.(किन भएन खर्च ?)
बजेट खर्च र राजस्व संकलनमा प्रभावकारी काम गर्न विषयगत मन्त्रालयहरुलाई सुदूरपश्चिम प्रदेशका मुख्यमन्त्री त्रिलोचन भट्टको निर्देशन/सुदूरपश्चिममा चालु आर्थिक वर्षको पहिलो चौमासिकमा ६ दशमलव २९ प्रतिशत मात्र खर्च ।
१३.(बैंक चोरी प्रकरण)
कृषि विकास बैंकबाट रकम चोरी गरिएको प्रकरणमा फरार रहेका रुविभ्याल्ली गाउँपालिकाका खम्ब घले पक्राउ /करिब ५ करोड रुपैयाँ रकम चोरिएको प्रकरणमा उनले समेत पैसा निकालेको प्रहरीको भनाई ।
१४.(नाइजेरियामा नरसंहार)
नाइजेरियाको उत्तरपूर्वी क्षेत्रमा कम्तीमा ११० निर्दोष किसानको बर्बर हत्या भएको संयुक्त राष्ट्रसंघको भनाई/ठूलो संख्यामा महिलाहरुको अपहरण भएको अनुमान/बोको हरामले आक्रमण गरेको हुन सक्ने आशंका ।
र,
१५.(विश्वको कोरोना)
विश्वमा हालसम्म १४ लाख ६६ हजार बढी कोरोना संक्रमितको मृत्यु /६ करोड ३१ लाख बढीमा संक्रमण पुष्टि हुँदा ४ करोड ३६ लाख बढी संक्रमण मुक्त ।
