आजका प्रमुख खबरहरुः
१.(यो आवश्यक थियो !)
अत्यावश्यक काम बाहेक घरबाट बाहिर ननिस्कन सरकारको आग्रह/सार्वजनिक स्थलमा २५ जनाभन्दा बढी भेला हुन नपाइने /यूरोप तथा खाडी मुलुकका सबै यात्रुलाई आगमनमा रोक /फिल्म हल लगायत सार्वजनिकस्थल २० अप्रिलसम्म बन्द ।
२.(एसइई स्थगित)
विहिबारदेखि सुरु हुने एसईई परीक्षा अन्तिम समयमा आएर स्थगित /बाल विकास केन्द्र लगायत सवै विद्यालयहरु र विश्वविद्यालयहरुका पठन पाठन २०७६ चैत मसान्तसम्मका लागि बन्द ।
३.(चालकको चासो)
भिडभाड हुने ठाउँ र बसपार्कहरुमा हेल्थ डेस्क राख्न यातायात व्यवसायीहरुको माग/बजारमा मास्क किन्न जाँदा मास्क नपाईने र स्यानिटाइजरको समेत अभाव भएको अवस्थामा सार्वजनिक सवारीमा चालक र यात्रुको सुरक्षाका लागि प्रवन्ध मिलाउनुपर्नेमा जोड ।
४.(सेनाको तयारी)
कोरोना संक्रमणको जोखिमलाई मध्यनजर गर्दै नेपाली सेनाद्वारा आन्तरिक तयारी तिव्र/मुख्यालयमा ५४ वटा अस्थायी टेन्ट निर्माण/पोखरा, इटहरी र नेपालगञ्ज अस्पालबाट चिकित्सकसहित ४६ जनालाई तालिम प्रदान ।
५.(सरकारको प्रतिबद्धता)
बजारमा कुनैपनि वस्तुको अभाव भए त्यसको जिम्मा आफुले लिने उद्योगमन्त्री लेखराज भट्टको भनाई /नियमित बजार अनुगमनलाई तिव्रता दिएको र कृत्रिम अभाव सिर्जना गर्नेलाई कारवाही पनि भइरहेकाले अभाव हुन नदिने प्रतिवद्धता ।
६.(विमानस्थलमा कर चोरी)
त्रिभुवन अन्तर्रा्ष्ट्रिय विमानस्थलले हवाइजहाजमा भर्ने प्mयुलमा प्रतिलिटर ३५ पैसाका दरले अप्रत्यक्ष कर उठाएको पाइयो /अनुगमनका क्रममा विमानस्थलले जहाजहरुबाट लिने भाडासँगैै, सेवा दस्तुरमा पनि उठाउन नमिल्ने कर उठाएको पाइयो ।
७.(सरकारले गर्देछ)
कोरोना भाइरसको सजगता, रोकथाम र नियन्त्रण गर्न तथा स्थानीय तहका समस्या समाधान गर्न समन्वयकारी भूमिका निभाउन सामान्य प्रशासन मन्त्रालयले तोक्यो सातै प्रदेशमा सम्पर्क व्यक्ति /प्रदेश १ का लागि प्रह्लादकुमार कार्की नियुक्त ।
८.(कालोबजारीविरुद्ध प्रहरी)
निर्धारितभन्दा अधिक मूल्यमा बिक्री गर्ने प्रयोजनले लुकाइराखेको १० लाख थान मास्कसहित गोर्खाका युवराज न्यौपाने काठमाडौंबाट पक्राउ/कृत्रिम अभाव सिर्जना गर्ने तथा अत्यावश्यक वस्तु लुकाउनेहरुविरुद्ध प्रहरी सक्रिय ।
९.(बामदेवको बल)
पार्टी उपाध्यक्ष वामदेव गौतमलाई राष्ट्रियसभा सदस्य बनाउने निर्णय कार्यान्वयन हुने नेकपा वरिष्ठ नेता माधवकुमार नेपालको भनाई/नेपालले एमसीसी संझौता अनुमोदन गर्न पार्टीको कार्यदलले दिएको सुझावलाई अध्ययन गरेर छिटो टुङग्याउने प्रतिबद्धता ।
१०.(सुझाव दिनुस्)
नेपाल विद्युत प्राधिकरणले प्रस्ताव गरेको विद्युत महसुलमाथि विद्युत नियमन आयोगद्वारा सार्वजनिक सुनुवाई आह्वान /प्रस्तावको अध्ययन गरी आयोगको वेवसाइटमार्फत आफ्नो राय, सुझाव दिन आग्रह ।
११. (विद्युतले हिम्मत जुटायो)
रघुपति जुट मिल रानीले साढे १५ करोड बक्यौता मध्ये प्रतिकिस्ता २७ लाख ६ हजार रुपैयाँ नतिरेपछि मिलको बिजुली काटियो /मिलले बक्यौता रकम तिरेपछि मात्र बिजुली जडान गरिदने नेपाल विद्युत प्राधिकरण विराटनगरको भनाई ।
१२.(त्रिपाठीको तिक्डम)
संघीय मामिला तथा सामान्य प्रशासनमन्त्री ह्दयेश त्रिपाठीको अनुपस्थितिका कारण राज्य व्यवस्था समितिको बैठक स्थगित /निजामति सेवा ऐन सम्बन्धि विधेयकका विषयमा छलफल गर्ने कार्यसूची रहेपनि बैठक स्थगितले विधेयक पारित हुन सकेन ।
१३.(कृषि प्रदान देश)
किसानले उत्पादन गरेको कुनैपनि वस्तुको विक्रीको ग्यारेन्टी सरकारले लिने /सरकारले तोकेको मूल्यमा किसानको उत्पादन बजारमा विक्री नभए सरकारले किनिदिने/स्थानीय तहमा ६ हजार प्राविधिक पदपूर्ति गरिने ।
१४.(जताततै असर)
कोरोना भाइरसको कारण राष्ट्रिय फुटबल टोली र इग्ल्यान्डको ‘सी’ टोलीबीच हुने पहिलो मैत्रीपूर्ण फुटबल खेल स्थगित/आइसिसि विश्वकप लिग–२ अन्तर्गत नामिबियामा हुने नेपाल, स्कटल्याण्ड र नामिबियाबीचको एकदिवसिय त्रिकोणात्मक सिरिज सर्न सक्ने ।
र,
१५.(भयवित बनायो)
बुधबार बिहानसम्म कोभिड–१९ को संक्रमणबाट ७ हजार ९ सय ६५ जनाको मृत्यु /करिब २ लाख संक्रमित /अमेरिकाको सवै राज्यमा संक्रमण देखिएसंगै अमेरिकामा मात्र मृतकको संख्या १ सय नाघ्यो ।
