प्रदेश १ मा मिटर रिडिङ कार्य अवरुद्ध

0SHARES

१९ आश्विन २०७५ नेपाल टाईम्स

विराटनगर,असोज १९
बिजुली मिटर रिडिङ गरेवापत गोटा गन्ती अनुसार ज्याला पाउदै आएका प्रदेश एकका मिटर रिडरहरुले पारिश्रमिकमा विभेद गरेको भन्दै रिडिङ कार्य अवरुद्ध गरेका छन् । सँगै काम गर्ने अन्य मिटर रिडरहरुको तुलनामा आफुहरुलाई सेवासुविधामा विभेद गरिएको भन्दै उनीहरुले मिटर रिडिङ अबरुद्ध गरेका हुन् ।

नेपाल पत्रकार महासंघ मोरङ शाखामा आज पत्रकार सम्मेलनको आयोजनागर्दै मिटर रिडर संघर्ष समितिमा आबद्ध उनीहरुले सो बिषयमा जानकारी गराएका हुन् । संघर्ष समितिका अध्यक्ष भीम रिजालले आफुहरुमध्ये कतिपयले २०६८ सालदेखि विद्युत प्राधिकरणमा मिटर रिडिङ कार्यगर्दै आएपनि प्राधिकरणले सेवासुविधामा विभेदगर्दै आएको जानकारी दिए ।

उनले सोर्सफोर्स भएकाहरुलाई ज्यालादारीमा राखिएपनि पहुंच नभएकाहरुलाई गोटागन्तीमा राखिएको बताए । ज्यालादारीमा मिटर रिडङ गर्नेहरुले मासिक १५ हजार ५ सय कमाउनेगरेपनि गोटा गन्तीमा कामगर्नेहरुले मासिक ५ हजारपनि कमाउन नसकेको उहांको भनाई थियो ।

वर्तमान श्रम ऐन अनुसारको सेवासुविधा दिलाउन पहल गरिदिन उनले सरोकारवासंग आग्रह पनि गरेका छन् । समितिका महासचिव पदमबहादुर घिमिरेका अनुशार प्रदेश एक अन्र्तगत झापा,मोरङ,सुनसरी र इलाममा १ सय ८० जना मिटर रिडरहरु गोटा गन्तीमा काम गरिरहेको छन् ।

विज्ञापन बक्स