प्रधानमन्त्रीले चिकित्सकलाई भने : सरकार तपाईहरुसँगै छ,चिन्तित नहोऔँ

0SHARES

१३ चैत्र २०७६ नेपाल टाईम्स

१३ चैत, काठमाडौं ।
प्रधानमन्त्री केपी ओलीले कोरोना (कोभिड–१९) को उपचारमा संलग्न चिकित्सक र प्राविधिकलाई मानवीय संकटको एकजुट भएर सामना गर्न आग्रह गरेका छन् ।

प्रधानमन्त्री ओलीले बिहीबार ट्वीट गर्दै हाल मौज्दात सामाग्रीको प्रयोगबाट परीक्षण र उपचारमा संगग्न हुन आग्रह गरेका हुन् । उनले थप सामाग्री चाँडै आउने उल्लेख गर्दै धैर्य हुन आग्रह गरेका छन् ।

प्रधानमन्त्रीले सरकार साथमा रहेको उल्लेख गर्दै चिन्तित नहुन पनि आग्रह गरेका छन् । ‘चिकित्सक तथा प्राविधिक साथीहरु हाल मौज्दात सामग्रीको आधिकाधिक प्रयोगबाट परीक्षण र उपचारमा सामेल होऔँ, तपाईंहरुकै सिफारिसका थप सामग्रीहरु उपलब्ध हुँदैछन् धैर्य गरौँ’, प्रधानमन्त्री ओलीले ट्वीटमा भनेका छन्, ‘कोभिड–१९ मानवीय संकटको एकजुट भएर सामना गरौँ, सरकार तपाईंहरुसँगै छ, चिन्तित नहोऔँ ।’

विज्ञापन बक्स