प्रधानमन्त्री ओलीद्धारा उपत्यकाका सडक विस्तारमा जिम्मेवार बन्न कडा निर्देशन

0SHARES

२८ फाल्गुन २०७४ नेपाल टाईम्स

काठमाडौं, फागुनन २८
प्रधानमन्त्री केपी शर्मा ओलीले काठमाडौं उपत्यका सडक विस्तारको काममा जिम्मेवार बन्न मातहतका निकायलाई कडा निर्देशन दिएका छन् । प्रधानमन्त्री ओलीले प्रधानमन्त्री तथा मन्त्रीपरिषद कार्यालयमार्फत् काठमाडौं उपत्यकाको सडक विस्तारको काममा हेलचक्रयाई जारी रहे कडा कार्वाही गर्न बाध्य हुने चेतावनीसमेत दिए ।

सोमबार प्रधानमन्त्री तथा मन्त्रीपरिषद कार्यालयमा मातहतका निकायलाई बोलाई प्रधानमन्त्रीका प्रमुख राजनीतिक सल्लाहकार विष्णु रिमाल तथा प्रधानमन्त्री तथा मन्त्रीपरिषद कार्यालयका सचिवद्धय प्रेमकुमार राई र महेन्द्रमान गुरुङले प्रधानमन्त्रीको तर्फबाट सडक विस्तारको काममा जिम्मेवार बन्न सचेत गराएका हुन् ।

उनले प्रधानमन्त्रीको तर्फबाट हप्ता÷हप्ता दिनमा सडक विस्तारको कामको प्रगति विवरण पेश गर्न पनि निर्देशन दिए । कार्यक्रममा बोल्दै प्रधानमन्त्री तथा मन्त्रीपरिषद कार्यालयका सचिवद्वय राई र गुरुङले जिम्मेवार र जवाफदेही भएर सडक विस्तारको काम समयमै सक्न निर्देशन दिए ।

सचिव राईले कामको अनुगमन नभएकै कारण काठमाडौं उपत्यकाको सडक निर्माणको कामले गति लिन नसकेकोतर्फ पनि मातहतका निकायको गम्भिर ध्यानाकर्षण गराए ।

प्रधानमन्त्री तथा मन्त्रीपरिषदका अर्का सचिव गुरुङले काम गर्ने तरिकामा परिवर्तन गर्न मातहतका निकायलाई सचेत गराए । उनले कामको समन्वयको अभाव देखिएको भन्दै त्यसमा सचेत हुन पनि सम्बन्धित निकायलाई निर्देशन दिए ।

कार्यक्रममा काठमाडौं उपत्यका विकास प्राधिकरणका विकास आयुक्त भाईकाजी तिवारी, काठमाडौं सडक विस्तार आयोजना प्रम्ुख दिपक केसी, नेपाल विद्युत प्राधिकरणका कार्यकारी निर्देशक कुलमान घिसिङ, ललितपुर महानगरपालिकाका मेयर चिरिबाबु मर्हजनले सडक विस्तामा देखिएको समस्याबारे जानकारी गराएका थिए ।

विज्ञापन बक्स