बंगबन्धु गोल्डकपः आयोजक बंगलादेशको विजयी सुरुवात

0SHARES

१६ आश्विन २०७५ नेपाल टाईम्स

१६ असोज एजेन्सी ।
बंगलादेशमा बंगबन्धु गोल्डकप सुरु भएको छ । प्रतियोगिताको उद्घाटन खेलमा आयोजक बंगलादेशले लाओसमाथि १–० को जित निकालेको छ ।

समूह बी अन्तर्गतको पहिलो खेलमा जित हात पार्दै बंगलादेशले सेमिफाइनल पुग्ने सम्भावना बलियो बनाएको छ । बंगलादेशको जितमा मिडफिल्डर विप्लो अहमेदले गोल गरेका थिए । पहिलो हाफ गोलरहित बनेको खेलको ५९औं मिनेटमा विप्लोले गोल गरेका थिए ।

साविक विजेता नेपालले उदघाटन खेलमा आज ताजिकिस्तानसँग प्रतिस्पर्धा गर्दैछ । बंगलादेशको सिलेट डिस्ट्रिक्ट रंगशालामा हुने खेल नेपाली समय अनुसार सवा ६ बजेदेखि सुरु हुनेछ । सन् २०१६ मा भएको प्रतियोगिताको चौथो संस्करणमा नेपालले बहराइनको यू–२३ टोलीलाई हराएर उपाधि जितेको थियो ।

विज्ञापन बक्स