बार्सिलोनालाई बराबरीमा रोक्दै टोटेनहम अन्तिम १६ मा प्रवेश

0SHARES

२६ मंसिर २०७५ नेपाल टाईम्स

एजेन्सी,मंसिर २६
जारी इंग्लिस प्रिमियर लिग अन्तरगत मंगलबार भएको खेलमा टोटेनहम हट्स्परले बार्सिलोनालाई बराबरीमा रोक्दै युरोपेली च्याम्पियन्स लिगमा दोस्रो चरणमा प्रवेश गरेको छ ।

बार्सिलोनाको घरेलु मैदान क्याम्प नोउमा भएको खेलमा बार्सिलोनालाई १–१ को बराबरीमा रोक्दै हट्स्परले दोस्रो चरणको यात्रा तय गरेको हो ।
समूहको सुरुवाती तीन खेलमा जम्मा १ अंक जोडेको टोटेनहमले त्यसयता लगातार दुई जित र मंगलबारको खेलमा बार्सिलोनालाई बराबरीमा रोक्दै अन्तिम १६ मा स्थान बनाएको हो । समूहको अर्को खेलमा इन्टर मिलान र पीएसभीले पनि समान १–१ को बराबरी खेलेपछि टोटेनहम दोस्रो चरणमा पुगेको हो ।

खेलको सातौं मिनेटमा ओस्मान डेम्बेलेले खेलको गोल गर्दै घरेलु टोलीलाई अगाडी बढाएका थिए । तर टोटेनहमले लगातार आक्रमण गर्दै बार्सिलोनाको डिफेन्सलाई समस्यामा पारेको थियो । बार्सिलोनाले दोस्रो हाफमा मेसीलाई मैदान प्रवेश गराएपनि राम्रो प्रदर्शन गर्न सकेनन् ।

बार्सिलोनाले पनि यसबिचमा अग्रता दोब्बर पार्ने मौका गुमायो । फिलिपे कोउटिन्होले दुई पटक पोस्टमा प्रहार गर्दा डिफेन्डर काइल वाल्कर पिटर्सले कोउटिन्होको प्रहारलाई गोल हुनबाट रोके । ८५ औं मिनेटमा केनको क्रसमा मोउराको फस्ट टच फिनिसले गोलको दिशा लियो ।

प्रतियोगिताको पहिलो खेलमा इन्टरसँग २–१ ले पराजित भएको टोटेनहम दोस्रो खेलमा बार्सिलोनासँग घरेलु मैदानमा ४–२ ले पराजित भएको थियो ।

तेस्रो खेलमा पीएसभीसँग २–२ को बराबरीमा रोकिएपनि चौथो खेलमा पीएसभीलाई हराएपछि केहि आशा जागेको थियो । इन्टरलाई घरेलु मैदानमा १–० ले हराउँदै टोटेनहम अर्को चरणमा पुग्ने समीकरण निस्केको थियो । इन्टरले पीएसभीसँग १–१ को बराबरी खेलेपछि युरोपा लिगमा झरेको छ ।

बार्सिलोनाले यस नतिजासंग च्यान्म्पियाँस लिगमा घरेलु मैदानमा अपराजित यात्रालाई २९ खेलसम्म लम्ब्याएको छ । पछिल्लो २९ खेलमा बार्सिलोनाले २६ जित र ३ बराबरी खेलेको छ । यो कीर्तिमान सन् २००२ अप्रिलमा बायर्नले कायम गरेको थियो ।

समूहबाट बार्सिलोना समूह विजेता र टोटेनहम समूह उपविजेताको रुपमा अर्को चरण प्रवेश गरे । बार्सिलोनाको ६ खेलमा ४ जित र २ बराबरीसँगै १४ अंक रहेको छ ।

टोटेनहम र इन्टर मिलनले ६ खेलमा समान २ जित, २ बराबरी र २ हारसँगै ८ अंक जोड्यो । हेड टु हेडमा टोटेनहम अवे गोलमा अगाडी रहँदै दोस्रो चरणको यात्रा तय गर्न सफल रहयो । पुछारमा ६ खेलमा २ अंक जोडेको पीएसभी रहेको छ ।

विज्ञापन बक्स