‘मिशन मंगल’ बन्यो अक्षयको करिअरकै ठुलो ओपनिङ गर्ने चलचित्र

३२ श्रावण २०७६

एजेन्सी, साउन ३२
बिहीबारबाट विश्व भर एकसाथ प्रदर्शनमा आएको बलिउड अभिनेता अक्षय कुमार स्टारर फिल्म ‘मिसन मङ्गल’ले बम्पर ओपनिङ गर्न सफल भएको छ ।भारतको स्वतन्त्रता दिवसको अवसरमा रिलिज भएको यस चलचित्रले प्रदर्शनको पहिलो दिन नै २९.१६ करोडको ओपनिङ गर्दै अक्षय कुमारको करिअरकै सबैभन्दा ठुलो ओपनिङ गर्ने चलचित्र बनेको हो ।

पहिलो दिन ओपनिङको मामिलामा यो फिल्म वर्षको दोस्रो सबैभन्दा ठूलो फिल्म पनि बन्न सफल भएको छ । पहिलो नम्बरमा सुपरस्टार सलमान खान अभिनीत फिल्म ‘भारत’ छ, जसले पहिलो दिन नै ४२ करोड ३० लाखको व्यापार गरेको थियो । दोस्रो नम्बरमा ‘कलंक’ २१.६० लाई उछिन्दै ‘मिशन मंगल’ आएको छ ।

बिहीबार भारतमा राष्ट्रिय बिदा परेकाले पनि चलचित्रलाई दोहोरो फाइदा पुगेको बताइएको छ ।चलचित्रलाई दर्शक र समिक्षकले निकै रुचाएका छन् ।भारतले मङ्गल ग्रहमा रकेट पठाउन गरेको मिहिनेत र असम्भव मानिएको कुरालाई सम्भव बनाएको कथा चलचित्रमा समावेश छ ।

चलचित्रमा अक्षयका साथमा विद्या बालन, तापसी पन्नु, सोनाक्षी सिन्हा लगायतका कलाकारको मुख्य भूमिका रहेको छ । ‘मिसन मङ्गल’ लाई जगन शक्तिले निर्देशन गरेका हुन् ।

Facebook Comments

विज्ञापन बक्स