मैले अदालतको अवहेलना गरेको छैन, सम्मान गरेको छुः प्रचण्ड

287SHARES

१६ फागुन, काठमाडौँ । नेपाल कम्युनिस्ट पार्टी नेकपाका अध्यक्ष पुष्पकमल दाहाल प्रचण्डले आफूले सर्वोच्च अदालतको अवहेलना नगरेको दाबी गरेका छन् ।

अवहेलना मुद्दामा सर्वोच्च अदालतमा पुगेर लिखित जवाफ दिएपछि प्रचण्डले आफूले अदालतको सम्मान गर्ने तर अवहेलनाको गलत आरोप लगाइएको बताए । सर्वोच्च अदालतले सधैँ नागरिकको भावनाअनुसार काम गरिरहेको सन्दर्भमा आफूले पनि सम्मान गर्ने प्रचण्डको जवाफमा उल्लेख छ ।

अधिवक्ता समिर हायुले अदालतको अवहेलनामा कारबाहीको माग गर्दै दायर गरेको निवेदनमाथि सुनुवाइ गर्दै न्यायाधीश मनोजकुमार शर्माको एकल इजलासले प्रचण्डलाई लिखित जवाफसहित आफैं उपस्थित हुन आदेश दिएको थियो ।

विराटनगरमा माघ नौ गते भएको कार्यक्रममा अध्यक्ष प्रचण्डले ‘केपी ओलीको निरङ्कुश र स्वेच्छाचारी कदमलाई सही ठहर्याउने काम भयो भने लाखौँ नागरिक सडकमा उतार्ने र गल्ती सच्याइने’ भनेर अभिव्यक्ति दिएका थिए ।

त्यही अभिव्यक्तिलाई लिएर अधिवक्ता हायुले सर्वोच्चमा मुद्दा दायर गरेका हुन् । यसअघि प्रधानमन्त्री केपी शर्मा ओली र पाँच जना पूर्व प्रधानन्यायाधीशहरु विरुद्ध पनि अवहेलनाको मुद्दा लागेको थियो । उनीहरु सबैले आफैँ उपस्थित भएर अदालतमा जवाफ पेस गरिसकेका छन् ।

छुटाउनुभयो कि?

सम्पूर्ण