सुनसरी, असार ८
सुनसरीको देवागञ्ज गाउँपालिकामा बिहिबार मोटरसाइकलको ठक्करबाट ११ वर्षका बालकको ज्यान गएको छ।
को ९ प २२९३ नम्बरको मोटरसाइकलले ठक्कर दिंदा देवागञ्ज–३ बस्ने तेज नारायण मेहताको छोरा प्रशान्त कुमार मेहताको निधन भएको हो ।
बालक सवार साइकललाई देवानगन्ज गाउँपालिका–३ स्थित भित्री सडक खण्डमा मोटरसाइकलले ठक्कर दिंदा उनी गम्भीर घाइते भएका थिए।
घाइते बालकको उपचारका क्रममा न्युरो अस्पताल बिराटनगरमा विहान ०७४५ बजे मृत्यु भएको छ भने दुर्घटनामा मोटरसाइकलका चालक देवानगञ्ज–३ बस्ने प्रदिप मेहता, पछाडी सवार छोरा बर्ष ६ को आयुष र छोरी बर्ष ९ की नेहा मेहता सामान्य घाइते भएकाले तीनै जनालाई स्थानीय क्लिनिक र्पुयाई उपचार गराइएको छ।
