म्यानचेस्टर युनाईटेडका लागि मोउरिन्होको विकल्पमा नुनोको नाम अगाडी

0SHARES

२२ भाद्र २०७५ नेपाल टाईम्स

एजेन्सी,भदौ २२
पोर्चुगिज प्रशिक्षक जोसे मोउरिन्होको विकल्पका रुपमा प्रिमियर लिगमा यसै सिजन बढुवा भएको वल्भरह्याम्पटन वान्डरर्सका प्रशिक्षक नुनो इस्पिरिटो सान्टोलाई हेरीएको छ ।नुनोले युनाइटेडमा जान इच्छा देखाएको बताइएको छ ।

म्यानचेस्टर युनाईटेडले जोसे मोउरिन्होलाई पछिल्ला खेलहरुमा खराब प्रदर्शन र क्लब व्यवस्थापनसँग असमझदारी बढेपछि यसै सिजन बर्खास्त गर्ने अनुमान गरिएको छ । मोउरिन्हो र युनाइटेडको सम्झौता पनि अर्को सिजन मात्र बाँकी रहेको छ ।

युनाइटेडले सिजन २०१८–१९ को शुरुवातका आफ्नो चार खेल मध्ये दुई खेल गुमाएको छ । तर, मोउरिन्होको ओल्ड ट्राफोर्डमा दीर्घकालिन भविष्य परिक्षण अवधि अझै सुरक्षित छ । २० पटक घरेलु लिग च्याम्पियन युनाइटेडले यसअघि पूर्व रियल म्याड्रिड प्रशिक्षक जिनेदिन जिदानेसँग नजिक रहेका खुलेको थियो ।

नुनोले मोउरिन्होको प्रशिक्षणमा पोर्टोमा खेलेमा थिए । नुनोले पछिल्लो सिजन च्याम्पियनसिप उपाधिका लागि वल्भस्को नेतृत्व गरेका थिए र क्लबले २०१८–१९ को प्रिमियर लिगका लागि सकारात्मक सुरुआत गरेको छ । क्लबले पहिलो चार खेलबाट पाँच अंक बटुलेको छ । वल्भ्स हाल प्रिमियर लिगको अंक तालिकामा ११ औं स्थानमा छ ।

विज्ञापन बक्स