६ चैत, महोत्तरी । वडाअध्यक्षले एकलौटी ढङ्गले कार्यालय सञ्चालन गरेको भन्दै धनुषाको जनकपुरधाम उपमहानगरपालिकाका जनप्रतिनिधिले कार्यालयमा तालाबन्दी गरेका छन् ।
जनकपुरधाम उपमहानगरपालिका–२१ का अध्यक्ष रामेश्वर महासेठले एकलौटी ढङ्गले काम गरेको भन्दै वडा सदस्यहरुले वडा कार्यालयमा तालाबन्दी गरेका हुन् । यसअघि वडासदस्यहरुले उपमहानगरपालिकाको कार्यालय र जिल्ला प्रशासन कार्यालय धनुषामा समेत निवेदन दर्ता गराएका थिए ।
तर, जनकपुरधाम उपमहानगरका नगर प्रमुख लालकिशोर साह र प्रमुख जिल्ला अधिकारीले चासो नदिएको भन्दै तालाबन्दी गरेको वडासदस्य वैद्यनाथ पण्डितले बताए ।
