सुजुकीको सेलेरियो एक्स ब्राण्डको फेमिली कार बजारमा

0SHARES

२ चैत्र २०७४ नेपाल टाईम्स

विराटनगर, चैत २
मारुती सुजुकीको सेलेरियो एक्स ब्राण्डको फेमिली कार बजारमा ल्याइएको छ । सो ब्राण्डको विराटनगरका लागि आधिकारिक विक्रेता कोशी अटो प्रालिले एक कार्यक्रमको आयोजना गरि सो कार बजारमा ल्याएको हो ।

नेपाल पत्रकार महासंघ मोरङका उपाध्यक्ष कुमोद अधिकारी र सो कम्पनीका प्रतिनिधिले सामूहिकरुपमा गाडी सार्वजनिक गरे । चारचक्के सवारीसाधनको उत्पादक भारतीय कम्पनी मारुती सुजुकीले बजारमा ल्याएको फेमिली सेग्मेन्टको सो कारको मुल्य २६ लाख ९९ हजार राखिएको छ ।

ग्रे, औरेन्ज, व्हाईट र ब्लु सहित विभिन्न ५ वटा रंगमा उपलब्ध हुने सो कारको ग्राउण्ड क्लियरेन्स १ सय ६५ एमएम रहेको छ । ९ सय ९८ सिसि क्षमताको सो कार ५ सिटे छ ।

प्रति लिटर ३३ दशमलव १ किलोमिटर एभरेज रहेको कारमा सेफ्टीलाई बिशेष ध्यान दिइएको कोशी अटोकी सेल्स एक्ज्यूकेटीभ स्वाती शर्माले जानकारी दिनुभयो । सेलेरियो एक्समा डूअल एयर ब्याग,एबिएस र इबिडीको सुरक्षा प्रबिधि अपनाइएको उनले जानकारी दिए ।

विज्ञापन बक्स